ភ្នំពេញ៖នគរបាលខណ្ឌបានស្រាវជ្រាវតាមចាប់ជនសង្ស័យម្នាក់ពាក់ព័ន្ធករណីលួចម៉ូតូ២គ្រឿងកាលពីជាង១០ថ្ងៃមុននៅក្នុងខណ្ឌបឹងកេងកងត្រៀមបញ្ជូនទៅតុលាការ។
សមត្ថកិច្ចបានឱ្យដឹងថា ក្រោយពីស្រាវជ្រាវជាង១០ថ្ងៃនៅយប់ថ្ងៃទី៩ ខែមេសាកម្លាំងជំនាញ បានចាប់ជនសង្ស័យម្នាក់ពីបទលួចម៉ូតូ២គ្រឿងនៅផ្លូវលេខ២៨០ ភូមិ៦សង្កាត់បឹងកេងកងទី២ ខណ្ឌបឹងកេងកងកាលពីថ្ងៃទី២៧ ខែមីនា ឆ្នាំ២០២២កន្លងទៅ។
បុរសដែលចាប់ខ្លួនឈ្មោះ ត្រែន ដាលីស អាយុ ២៤ ឆ្នាំស្នាក់នៅផ្ទះសំណាក់អូយេស សង្កាត់ស្រះចក ខណ្ឌដូនពេញមានសារធាតុញៀន។ម្ចាស់ម៉ូតូឈ្មោះ រុន វិរុទ្ធ អាយុ២១ឆ្នាំនៅ សង្កាត់បឹងកេងកងទី២ ខណ្ឌបឹងកេងកង ជាកម្មករធ្វើប្រហិតនិងឈ្មោះ ពេជ្រ វៃអាយុ ៣១ ឆ្នាំនៅក្រុម-សង្កាត់ជាមួយគ្នា។
វត្ថុតាងចាប់បាន-ម៉ូតូម៉ាកSUZUKI NEX 110 ផ្លាកលេខភ្នំពេញ1CF-1516។សម្ភារបាត់បង់-ម៉ូតូម៉ាក DAELIM CITI 110 ផ្លាកលេខភ្នំពេញ1BX-1393។-ចំពោះម៉ូតូម៉ាកSUZUKI NEX ជារបស់ជនរងគ្រោះត្រូវសមត្ថកិច្ចប្រគល់ឱ្យម្ចាស់វិញ។ជនសង្ស័យរួមវត្ថុតាងត្រូវនគរបាលខណ្ឌបឹងកេងកងកសាងសំណុំរឿងត្រៀមបញ្ជូនទៅតុលាការ រាជធានីភ្នំពេញដើម្បីចាត់ការតាមច្បាប់៕
