ភ្នំពេញ៖ក្មេងស្ទាវបានជិះម៉ូតូមកបុកទាំងកម្រោលលើមន្ត្រីនគរបាលខណ្ឌទួលគោកម្នាក់ដែលកំពុងអនុវត្តច្បាប់ចរាចរណ៍បណ្ដាលឱ្យរងរបួសធ្ងន់។
ករណីនេះបានកើតឡើងនៅតាមផ្លូវ២៧១មុខផ្សារហេងលីក្នុងសង្កាត់ទឹកល្អក់៣ ខណ្ឌទួលគោកកាលពីយប់ថ្ងៃទី២៧ ខែកញ្ញា ឆ្នាំ២០២១។មន្ត្រីរងគ្រោះឈ្មោះ រតនា ជានគរបាលចរាចរណ៍ ខណ្ឌទួលគោល រងរបួសធ្ងន់។
អ្នកឃើញហេតុការណ៍បានឱ្យដឹងថា កម្លាំងនគរបាលកំពុងអនុវត្តច្បាប់ចរាចរណ៍ ស្រាប់តែមានក្មេងស្ទាវម្នាក់ ជិះម៉ូតូម៉ាកស៊ុយគីឡែតចូលកាត់បារ៉ាស់ក្នុងល្បឿនលឿនជ្រុលទៅបុកមន្ត្រីនគរបាលម្នាក់ បណ្ដាលឱ្យរងរបួសធ្ងន់រីឯ ជនបង្ករងរបួសបែកមុខមាត់។ ក្រោយកើតហេតុ ម៉ូតូជនបង្កត្រូវសមត្ថកិច្ចយកទៅរក្សាទុក នៅអធិការដ្ឋានខណ្ឌទួលគោក រង់ចាំដោះស្រាយនាពេលក្រោយ៕
