ភ្នំពេញ៖សាលារាជធានីភ្នំពេញដែលបានយកចិត្តទុកដាក់តុបតែងកែលម្អសួនច្បារឱ្យមានសោភណ្ឌភាពដូចជា៖សួនច្បារមុខវត្តបទុមវត្តី,សួនវិមានឯករាជ្យ,សួននាគបាញ់ទឹក,សួនមុខព្រះបរមរាជវាំង,សួនសម្តេចតេជោហ៊ុនសែន,សួនច្បារដេអិនDN,និងសួនមាត់ទន្លេជាដើម។
ពីនេះទៅមុខសូមចូលរួមថែរក្សាបរិស្ថានដោយចោលសំរាមក្នុងធុងសំរាមក្បែអ្នក។ដោយឡែកមានការដាំដើមត្នោតពេជ្រនៅលើសួនច្បារDNគឺដើម្បីលើកសោភណ្ឌភាពរាជធានីភ្នំពេញឱ្យកាន់តែមានភាពស្រស់បំព្រងទាក់ទាញភ្លៀវទេចរណ៍ជាតិនិងអន្តរជាតិ។ដោយសារតែសួនច្បារDNស្ថិតនៅក្នុងតាមបណ្ដោយផ្លូវសហព័ន្ធរុស្ស៊ីដែលជាមហាវិថីមួយត្រូវបានភ្ញៀវជាតិនិងអន្តរជាតិធ្វើដំណើរឆ្លងកាត់រាល់ថ្ងៃ។
សួនច្បារDNក្រៅពីលើកភ័ណ្ឌភាពរាជធានីភ្នំពេញហើយនោះវាក៏ជាកន្លែងសម្រាប់ឱ្យប្រជាពលរដ្ឋបានហាត់ប្រាណទាំងពេលព្រឹកពេលល្ងាចនិងពេលរាត្រីផងដែរ។ដែលតម្រូវឱ្យរដ្ឋបាលរាជធានីធ្វើការថែទាំរាល់ថ្ងៃ។ប៉ុន្តែវាក៏ជាកន្លែងមួយទុកឱ្យប្រជាពលរដ្ឋបានហាត់ប្រាណផងដែរ។ផ្តើមចេញពីបញ្ហានេះទើបរដ្ឋបាលរាជធានីភ្នំពេញបានធ្វើការកែសម្រួលធ្វើយ៉ាងណាឱ្យតាមបណ្ដាលសួនច្បារនីមួយៗគឺសុទ្ធតែមានកន្លែងសម្រាប់ឱ្យប្រជាពលរដ្ឋបានហាត់ប្រាណ។ព្រោះថាការហាត់ប្រាណជាឱសថជំងឺដ៏សក្កិសិទ្ធក្នុងការព្យាបាលជំងឺគ្រប់ប្រភេទ។
មន្ត្រីរដ្ឋបាលរាជធានីភ្នំពេញបានលើកឡើងថា៖ការអភិវឌ្ឍទីក្រុងភ្នំពេញដោយបានបង្ហាញឱ្យឃើញពីទស្សនៈវិស័យវែងឆ្ងាយអំពីការយកចិត្តទុកដាក់របស់ថ្នាក់ដឹកនាំក្នុងការអភិវឌ្ឍទីក្រុងភ្នំពេញ។មិនមែនសម្រាប់តែអ្នកនៅភ្នំពេញនោះទេគឺសម្រាប់ទូទាំងប្រទេស។ដោយសារតែទីក្រុងភ្នំពេញមួយនេះជាមជ្ឈមណ្ឌលផ្តល់សេវាដល់ប្រជាពលរដ្ឋជាង៦លាននាក់ក្នុងរង្វង់ចំងាយ១០០គីឡូម៉ែត្រ។ជុំវិញនិងផ្គត់ផ្គង់សេវាដល់ប្រជាពលរដ្ឋជាង១៦លាននាក់ទូទាំងប្រទេសថែមទៀត៕
