ភ្នំពេញ៖បុរសម្នាក់ពេលជិះម៉ូតូស្រាប់តែដួលស្លាប់ភ្លាមដែលគេសង្ស័យថាមកពីខ្យល់គទើបបណ្តាលឱ្យដួលម៉ូតូបែបនេះ។ហេតុការណ៍បានកើតឡើងនៅមហាវិថីកម្ពុជាក្រោមម្តុំមុខសាលាវិទ្យាល័យជាស៊ីមសន្ធរមុខក្នុងសង្កាត់ទឹកល្អក់ទី១ខណ្ឌទួលគោកកាលពីព្រឹកថ្ងៃទី២៧ខែឧសភា ឆ្នាំ២០២១។
សមត្ថកិច្ចបានឱ្យដឹងថា៖ជនរងគ្រោះឈ្មោះសោម រើតភេទប្រុសអាយុ៤៨ឆ្នាំអ្នករត់ម៉ូតូឌុបស្នាក់នៅភូមិសូទិព្វឃុំសូទិព្វស្រុកជើងព្រៃខេត្តកំពង់ចាមស្រុកកំណើតឃុំរការកោងទី១ស្រុកមុខកំពូលខេត្តកណ្តាល។ មុនពេលកើតហេតុ គេបានឃើញបុរសម្នាក់នេះជិះម៉ូតូម៉ាកហុងដាឌ្រីម ពាក់ផ្លាកលេខ ភ្នំពេញ 1T-1835 តាមមហាវិថី កម្ពុជាក្រោម។
ប្រភពដដែលបានបន្តថា៖ ពេលកំពុងជិះស្រាប់តែម៉ូតូដួលដោយខ្លួនឯងហើយបានស្លាប់ដែលគេសង្ស័យអាចមកពីខ្យល់គ។ក្រោយកើតហេតុអាជ្ញាធរមូលដ្ឋានទាក់ទងខាងគ្រូពេទ្យពិនិត្យសពឃើញអវិជ្ជមានកូវីដ១៩សមត្ថកិច្ចក៏បញ្ជូនទៅតម្កល់ទុកនៅវត្តទឹកថ្លាដើម្បីស្វែងរកក្រុមគ្រួសារមកទទួលយកសព ៕
