ព្រៃវែង៖បុរសពីរនាក់ជិះម៉ូតូឌុបគ្នាក្នុងល្បឿនលឿនបានជ្រុលទៅបុករថយន្តកំពុងបត់ពេញទំហឹងបណ្តាលឱ្យស្លាប់ម្នាក់របួសធ្ងន់ម្នាក់នៅលើផ្លូវជាតិលេខ១១ក្នុងភូមិឧត្តមឃុំព្រែកខ្សាយ(ក)ស្រុកពាមរក៍ខេត្តព្រៃវែងកាលពីល្ងាចថ្ងៃទី២៦ខែឧសភាឆ្នាំ២០២១។
សមត្ថកិច្ចបានឱ្យដឹងថា៖ជនរងគ្រោះដែលស្លាប់ ឈ្មោះនួន សាំ ភេទប្រុស អាយុ២៦ឆ្នាំនិងរួមដំណើរឈ្មោះ ម៉ី សុភាព អាយុ៣១ឆ្នាំ រងរបួសធ្ងន់ អ្នកទាំងពីរជិះម៉ូតូម៉ាកyamahaស៊ីរូគ្មានផ្លាកលេខ។
សាក្សីបានបញ្ជាក់ថា៖ជនរងគ្រោះជិះម៉ូតូលឿនពេលនោះមានរថយន្តធំបត់បំណងឆ្លងថ្នល់ធ្វើឱ្យម៉ូតូជ្រុលទៅបុករថយន្តពេញទំហឹងបណ្តាលឱ្យអ្នកជិះម៉ូតូទាំងពីរនាក់ត្រូវបោកផ្ទប់នឹងជញ្ជាំងរថយន្តធ្លាក់ទៅបោកនិងថ្នល់ស្លាប់ម្នាក់របួសធ្ងន់ម្នាក់។ក្រោយកើតហេតុអ្នកបើកបររថយន្តចុះរត់គេចខ្លួនបាត់៕
