បាត់ដំបង៖នៅភូមិកណ្តាលត្បូងឃុំគោកឃ្មុំស្រុកថ្មគោលកាលពីរំលងអាធ្រាត្រចូលថ្ងៃទី៧ខែកក្កដាឆ្នាំ២០២០មានភ្លើងឆេះផ្ទះអស់១ខ្នង។សមត្ថកិច្ចសន្និដ្ឋានថាបង្កដោយសារកូនប្រុសបែកថ្នាំយកសាំងចាក់ស្រោចខ្លួនឯងរួចដុតបណ្តាលឱ្យឆេះស្លាប់ឡើងរួញ,ខូចខាតផ្ទះនិងទ្រព្យសម្បត្តិមួយចំនួនធំ។
មន្ត្រីនគរបាលស្រុកថ្មគោលបានឱ្យដឹងថាកូនប្រុសរូបនេះជាមនុស្សញៀនថ្នាំមានឈ្មោះទុយគឿនអាយុ៣២ឆ្នាំនៅភូមិឃុំកើតហេតុខាងលើមានម្តាយឈ្មោះឆមវឿតអាយុ៥៧ឆ្នាំ។មន្ត្រីដដែលបានបន្តថាក្រោយកើតហេតុមានរថយន្តពន្លត់អគ្គិភ័យរបស់ស្រុកថ្មគោល១គ្រឿងចេញទៅអន្តរាគមន៍។
ជាមួយនោះបានបាញ់ទឹក១រថយន្តដើម្បីកុំឱ្យរាលដាលដល់ផ្ទះអ្នកដទៃ។ចំពោះការខូចខាតគឺឆេះផ្ទះខាងលើ១០០ភាគរយនិងផ្ទះខាងក្រោមឆេះ៥០ភាគរយនិងខូចខាតទ្រព្យសម្បត្តិក្នុងផ្ទ:គិតជទឹកប្រាក់ប្រមាណ១៥លានរៀល៕