សៀមរាប៖អាជ្ញាធរខេត្តបានចេញសេចក្តីជូនដំណឹងស្តីពីហាមឃាត់ការធ្វើអាជីវកម្មទិញ-លក់-ពិឃាតសត្វសុនខ(ឆ្កែ)។សេចក្តីជូនដំណឹងរបស់មន្ទីរកសិកម្មរុក្ខាប្រម៉ាញ់និងនេសាទខេត្តសៀមរាបលេខ៤៥៣.មកខ.សជណចុះថ្ងៃទី៦ខែកក្កដាឆ្នាំ២០២០ដែលចុះហត្ថលេខាដោយលោកទាគឹមសុទ្ធប្រធានមន្ទីរ បង្ហញថា ច្បាប់ស្តីពីសុខភាពសត្វ និងផលិតកម្មសត្វ។
សេចក្តីជូនដំណឹងបង្ហាញទៀតថាយោងកិច្ចប្រជុំនិងទទួលការណែនាំពីគណអភិបាលខេត្តសៀមរាប។ខេត្តសៀមរាបជាខេត្តទេសចរណ៍វប្បធ៌មធម្មជាតិមានភ្ញៀវទេសចរជាតិនិងអន្តរជាតិមកទស្សនាប្រាង្គប្រាសាទវប្បធ៌មប្រពៃណីទំនៀមទម្លាប់ដ៏ល្អផូរផង់គ្មានពីរលើលោកយើងនេះ។ប្រជាជនទូទាំងពិភព លោក ជាពិសេសឆ្កែមានគុណតម្លៃណាស់សម្រាប់ការពារផ្ទះ ។
តាំងពីបុរាណកាលរៀងមកសត្វសុនខត្រូវបានខ្មែរយើងចាត់ទុកជាសត្វចិញ្ចឹមដ៏ស្មោះត្រង់របស់មនុស្សហើយសត្វសុនខជាសត្វការពារចម្ការនិងហ្វូងសត្វក្រៅពីនោះក៏ជួយក្នុងវិស័យយោធាបានល្អទៀតផង។ក្នុងរយៈពេលប៉ុន្មានឆ្នាំចុងក្រោយនេះការធ្វើអាជីវកម្មលក់-ទិញ-ពិឃាតសត្វសុនខដើម្បីធ្វើជាម្ហូប អាហារមាន ភាពអាណាធិបតេយ្យ និងកើនឡើងគួរឱ្យព្រួយបារម្ភ។
នេះជាសញ្ញាមួយបង្ហាញថាមានការធ្លាក់ចុះនូវមនុស្សធម៌គុណធម៌ព្រមទាំងធ្វើឱ្យមានការឆ្លងរាលដាលជំងឺឆ្កែឆ្កួតនិងជំងឺផ្សេងៗជាច្រើនទៀតពីតំបន់មួយទៅតំបន់មួយដែលអាចប៉ះពាល់ដល់សុខភាពសាធារណៈ ។ នេះបើយោងតាមការ សិក្សាស្រាវជ្រាវពីអង្គការសុខភាពសត្វពិភពលោក (OIE) និងអង្គការ ហ្វរផ។
ការដើរទាក់លក់-ទិញនិងពិឃាតសត្វអាណាធិបតេយ្យគ្មានច្បាប់ទម្លាប់ផ្ទុយនិងខ្លឹមសារនៃច្បាប់ស្តីពីសុខភាពសត្វ និងផលិតកម្មសត្វ ដែលនឹងត្រូវទទួលទោសយ៉ាងធ្ងន់ធ្ងរ តាមមាត្រា១១២ ,១១៣ , ១១៥ នៃច្បាប់នេះ ។សេចក្តីជូនដំណឹងខាងលើបញ្ជាក់ថា មន្ទីរកសិ កម្មរុក្ខាប្រមាញ់និងនេសាទខេត្ត ហាមឃាត់ការធ្វើអាជីវកម្មទិញ-លក់សម្រាប់ពិឃាតសត្វសុនខគ្រប់ប្រភេទដោយគ្មានការអនុញ្ញាត។ សាធារណៈជនត្រូវចូលរួមអនុវត្តតាមសេចក្តីជូនដំណឹងនេះឱ្យមានប្រសិទ្ធភាពខ្ពស់ចាប់ពីថ្ងៃជូនដំណឹងនេះតទៅ៕
