យន្តដឹកដីបើកបុកនិងកិនអ្នកជិះម៉ូតូ បណ្ដាលឲ្យនាយទាហានម្នាក់ស្លាប់

ភ្នំពេញ៖រថយន្តដឹកដីបើកបុកនិងកិនអ្នកជិះម៉ូតូបណ្តាលឱ្យនាយទាហានម្នាក់បែកក្បាលស្លាប់។គ្រោះថ្នាក់ចរាចរណ៍នេះនៅត្រង់មុខក្រុមហ៊ុន suzukiស្ថិតនៅតាមបណ្ដោយផ្លូវជាតិលេខ៤ក្នុងភូមិអង្គសង្កាត់កន្ទោក ខណ្ឌកំបូលកាលពីយប់ថ្ងៃទី២២ ខែមីនា ឆ្នាំ២០២១ ។
សមត្ថកិច្ចបានឱ្យដឹងថា៖ជនរងគ្រោះដែលស្លាប់ឈ្មោះ ពៅ វិច្ឆិកា ភេទប្រុស អាយុ៣៤ឆ្នាំជា យោធានៅអគ្គបញ្ជាការដ្ឋានកងទ័ពជើងគោក ស័ក្ខ៥ មានស្រុកកំណើត នៅក្នុងភូមិតាំងក្រាំង ឃុំជាលា ស្រុកបាធាយខេត្តកំពង់ចាម។ជនរងគ្រោះជិះម៉ូតូម៉ាកស្គុតពី ពណ៌សពាក់ផ្លាកលេខភ្នំពេញ1BC.6390។
ចំណែករថយន្តម៉ាកFUSO ពណ៌បៃតង ពាក់ផ្លាកលេខភ្នំពេញ3E.9187ប្រភេទក្បាលសណ្តោង រឺម៉កខាងក្រោយពាក់ផ្លាកលេខភ្នំពេញ4A.6837បើកបរដោយបុរស ម្នាក់មិនទាន់ស្គាល់ឈ្មោះសមត្ថកិច្ចឃាត់ខ្លួនបាន៕