សមត្ថកិច្ចចាប់ជនម្នាក់ជាមួយវត្ថុគ្រឿងញៀននៅស្រុកឆ្លូង

ក្រចេះ៖កម្លាំងនគរបាលស្រុកស្នួល បានស្រាវជ្រាវបង្រ្កាបករណីជួញដូរនិងប្រើប្រាស់នូវសារធាតុញៀនចាប់បានជនសង្ស័យម្នាក់និងវត្ថុតាងនៅម្តុំផ្លូវលំទំនប់ថ្ពង ភូមិថ្ពង ឃុំស្នួលស្រុកស្នួលខេត្តក្រចេះកាលពីរសៀលថ្ងៃទី២២ ខែមីនាឆ្នាំ២០២១ ។
លោក ចាន់ សុខគីម អធិការនគរបាលស្រុកស្នួលដឹកនាំកម្លាំងចុះចាប់ជនសង្ស័យបានឱ្យដឹងថា៖នគរបាលបាន ឃាត់ខ្លួនជនសង្ស័យម្នាក់ឈ្មោះឈាន ប៊ុនណា អាយុ៣១ឆ្នាំ ដកហូកបានម្សៅក្រាមពណ៌សសង្ស័យជាគ្រឿងញៀនប្រភេទមេតំហ្វេតាមីនចំនួន៨កញ្ចប់។
ក្នុងនោះមានបំពង់កែវកែច្នៃសម្រាប់ជក់គ្រឿងញៀន១, ប្រអប់ជ័រសម្រាប់ដាក់គ្រឿងញៀន១, ថង់ខ្មៅសម្រាប់ច្រកសម្ភារ១, ថង់សម្រាប់ច្រកគ្រឿងញៀនមួយចំនួន ,ទូរស័ព្ទម៉ាកVIVO ពណ៌ខ្មៅ គ្រឿង និងម៉ូតូម៉ាកយ៉ាម៉ាហាអិចសៃទ័រ គ្មានផ្លាកលេខ១គ្រឿង៕