បុរសម្នាក់ស្រវឹងស្រាបើករថយន្ដបុកផ្ទះពលរដ្ឋនិងជ្រុលធ្លាក់ផ្លូវ

បាត់ដំបង៖បុរសម្នាក់ស្រវឹងស្រាបានបើករថយន្ត ជ្រុលទៅបុកចំហៀងផ្ទះអ្នកភូមិរូចបងហូសទៅធ្លាក់ប្រឡាយតែបានអ្នកស្រុកជួយស្រង់ពីទឹកទាន់មិនមានគ្រោះថ្នាក់ធ្ងន់ធ្ងរទេ។ករណីនេះនៅតាមផ្លូវជាតិលេខ៥ត្រង់ម្តុំភូមិពពាលខែឃុំជ្រៃស្រុកថ្មគោលកាលពីរសៀលថ្ងៃទី៣០ខែមេសា ឆ្នាំ ២០២១។
លោកអនុសេនីយ៍ឯក ហង្សសីហានាយប៉ុស្តិ៍ស្តីទីឃុំជ្រៃបានឱ្យដឹងថា៖រថយន្តបង្កម៉ាកតូយ៉ូតា ហៃឡាក់រីវ៉ូពណ៌សពាក់ផ្លាកលេខ បាត់ដំបង2C-7575។ជនបង្កឈ្មោះពុំ ស៊ីនឿនអាយុ៣៦ រស់នៅភូមិកាប់គោថ្មីសង្កាត់អូរចារ ក្រុងបាត់ដំបងខេត្តបាត់ដំបង ។ចំណែកម្ចាស់ផ្ទះដែលខូចខាតមួយចំហៀងមានឈ្មោះម៉ម ប៊ិតអាយុ៦០ឆ្នាំ។

លោកនាយប៉ុស្តិ៍បានបញ្ជាក់ថា៖ក្រោយពីស្រង់រថយន្តចេញពីប្រឡាយរួចមកជននេះត្រូវបាននាំខ្លួននិងរថយន្តទៅអធិការដ្ឋានដើម្បីសាកសួរនិងឱ្យសងសំណងទៅម្ចាស់ផ្ទះដែលខូចខាត៕