ភ្នំពេញ៖ បុរសម្នាក់បានបើករថយន្តទំនើបម៉ាកម៉ាសស្តាក្នុងល្បឿនលឿនបានរេចង្កូតទៅបុករបាំងថ្មចែកផ្លូវបណ្តាលឱ្យរថយន្តខូចខ្ទេចមួយកំណាត់មុខ។
ហេតុការណ៍នេះកើតឡើងនៅមុខវត្តតាំងកសាងតាមផ្លូវបេតុងក្នុងសង្កាត់កាកាបទី១ ខណ្ឌពោធិសែនជ័យ កាលពីរំលងអធ្រាត្រចូលថ្ងៃទី២៩ ខែកក្កដា។មុនកើតហេតុមានរថយន្តម៉ាកម៉ាស្ដាបានបើក ក្នុងល្បឿនលឿន។លុះមកដល់កន្លែងកើតហេតុ បានរេចង្កូតទៅបុកក្បាលថ្មចែក ផ្លូវពេញទំហឹងបណ្ដាលឱ្យរថយន្តខូចខ្ទេចផ្នែកខាងមុខ ។
ក្រោយកើតហេតុសមត្ថកិច្ចបានចុះមកដល់ ពិនិត្យឃើញរបាំងថ្មមិនមានរងការខូចខាត ធ្ងន់ធ្ងរនោះទើបសមត្ថកិច្ចឱ្យម្ចាស់យករថយន្តទៅជួសជុលខ្លួនឯង៕
