បន្ទាយមានជ័យ៖បុរសជាប្តីគ្រាន់តែមានជម្លោះក្នុងគ្រួសារបន្តិចបន្តួចបានទាញពូថៅកាប់ក្បាលប្រពន្ធ២ពូថៅបណ្តាលឱ្យរងរបួសធ្ងន់។ហេតុការណ៍នេះបានកើតឡើងនៅភូមិបឹងស្នោឃុំស្លក្រាម ស្រុកស្វាយចេក ខេត្តបន្ទាយមានជ័យកាលពីល្ងាចថ្ងៃទី៣០ ខែមិថុនាឆ្នាំ២០២០ ។
មន្ត្រីនគរបាលស្រុកស្វាយចេកបានឱ្យដឹងថា៖ស្ត្រីរងគ្រោះជាប្រពន្ឈ្មោះធនលាងហានអាយុ៣៨ឆ្នាំ។ឯប្តីជាជនល្មើសឈ្មោះស៊ិនស៊ីសុផាតអាយុ៣៨ឆ្នាំរស់នៅភូមិបឹងស្នោឃុំស្លក្រាមស្រុកស្វាយចេកខេត្តបន្ទាយមានជ័យ ។
នៅមុនពេលកើតហេតុបុរសជាប្តីបានស្រវឹងស្រាមកដល់ផ្ទះបង្កជាជម្លោះជាមួយប្រពន្ធហើយរង្វេងស្មារតីផងនិងដោយមនុស្សនេះច្រឡោងខាមស្រាប់ផងក៏បានយកពូថៅកាប់ប្រពន្ធចំក្បាលចំនួន២ពូថៅបណ្តាលឱ្យបែកក្បាលហូរឈាមស្រោចហើយសន្លប់។ត្រូវបានញាតិមិត្តយកទៅសង្គ្រោះបន្ទាន់នៅមន្ទីរពេទ្យបង្អែកក្រុងប៉ោយប៉ែតព្រោះផ្លូវថ្នល់ស្រួលជាងផ្លូវទៅមន្ទីរពេទ្យបង្អែកស្រុកស្វាយចេក ។
ប្រជាពលរដ្ឋមេភូមិនិងកម្លាំងប្រជាការពារបានដេញរចាប់ឃាត់ខ្លួនប្រគល់ឱ្យកម្លាំងនគរបាលប៉ុស្តិ៍រដ្ឋបាលនិងនាំខ្លួនទៅធ្វើការសាកសួរនិងបានកសាងសំណុំរឿងបញ្ជូនទៅការិយាល័យជំនាញព្រហ្មទណ្ឌនៃស្នងការដ្ឋានខេត្តដើម្បីចាត់ការបន្ត ៕
