បន្ទាយមានជ័យ៖បុរសម្នាក់គ្មានលុយទៅលោះយកម៉ូតូដែលខ្លួនបញ្ចាំហើយមិនហ៊ានចូលផ្ទះក៏បែរជាឡើងលើកំពូលភ្នំធំលោតទម្លាក់សម្លាប់ខ្លួន។ហេតុការណ៍នេះកើតឡើងនៅចំណុចជើងភ្នំធំស្ថិតនៅភូមិភ្នំធំត្បូងឃុំអូរប្រាសាទស្រុកមង្គលបូរីខេត្តបន្ទាយមានជ័យកាលពីថ្ងៃទី៣០ខែមិថុនាឆ្នាំ២០២០។
លោកវរសេនីយ៍ឯក ស៊ិន ណារ៉ាក់ អធិការនគរបាលស្រុកមង្គលបូរី បានឱ្យដឹងថា៖ ជនអត្តឃាតឈ្មោះ រ៉ន ភារ៉ា ហៅបារាំង ភេទប្រុស អាយុ២១ឆ្នាំ នៅភូមិសឿ ឃុំសឿ ស្រុកមង្គលបូរី ខេត្តបន្ទាយមានជ័យ ។
តាមការបំភ្លឺពីឈ្មោះ សឿង សុផា ភេទប្រុស អាយុ៣៧ ឆ្នាំនៅភូមិ ភ្នំធំត្បូង ឃុំអូប្រាសាទស្រុកមង្គលបូរី បានប្រាប់សមត្ថកិច្ចថាកាលពីល្ងាចថ្ងៃទី២៩ខែមិថុនាឆ្នាំ២០២០វេម៉ោង៦យប់ជនរនេះបានហូបបាយជាមួយខ្លួន។បន្ទាប់មកបាននិយាយថាពិបាកចិត្តណាស់។គឺយកម៉ូតូទៅបញ្ចាំគេគ្មានលុយទៅលោះ មិនហ៊ានចូលផ្ទះទេ។បុរសនោះបន្តថា៖ពិបាកពេកចង់តែស្លាប់ឱ្យផុតៗចង់តែឡើងលើភ្នំឱ្យរន្ទះបាញ់ស្លាប់រួចក៏បែកគ្នាទៅ ។
លោកសឿងសុធាបានបន្តថា៖លុះដល់ម៉ោងប្រហែលមួយរំលងអាធ្រាត្រខ្លួនបានឮដូចអ្វីម្យ៉ាងនៃភ្នំខាងក្រោយផ្ទះបាក់ធ្លាក់ដូចដែលធ្លាប់ឮថ្មភ្នំធ្លាក់ជាញឹកញយ។លុះដល់ម៉ោង៥ព្រឹកថ្ងៃទី៣០ខែមិថុនាពេលខ្លួនដើរទៅបត់ជើងក៏ប្រទះឃើញជនរងគ្រោះដេកស្លាប់នៅនឹងជើងភ្នំ។
ប៉ុន្តែលោកអធិការនគរបាលស្រុកមង្គលបូរីបានបញ្ជាក់ថា៖យោងសាវតារឈ្មោះរ៉នភារ៉ានេះជាមុខសញ្ញាជក់និងលក់ថ្នាំញៀនហើយក៏ធ្លាប់ជាប់ពន្ធនាគារនិងនៅមណ្ឌលជីវិតថ្មីភ្នំបាក់(អប់រំបន្សាបសារធាតុញៀន)។ជននេះក៏ជាជនបង្កនាពេលកន្លងមកផងដែរដូចជាបំផ្លាញទ្រព្យសម្បត្តិរបស់ឪពុកម្ដាយអស់ជាច្រើនមកហើយ៕