កំពង់ចាម៖រថយន្តធុនធំប្រភេទដឹកទំនិញមួយគ្រឿងអ្នកបើកបរបានជាន់ហ្រាំ្វងមិនស៊ីបានជ្រុលទៅបុករះលើរថយន្ត,ម៉ូតូដែលកំពុងចតនិងធ្វើដំណើរលើផ្លូវប្រជុំជនក្បែររង្វង់មូលគល់ស្ពានគីហ្ស៊ូណាក្រុងកំពង់ចាមនិងរបួសមនុស្សពីរនាក់កាលពីព្រឹកថ្ងៃទី១០ខែធ្នូឆ្នាំ២០២០។
មន្ត្រីនគរបាលចរាចរណ៍បានឱ្យដឹងថាៈករណីរថយន្តជាន់ហ្រាំ្វងមិនស៊ីបង្កគ្រោះថ្នាក់ម៉ាក់ហ៊ីយិនដាយពណ៌សផ្លាកលេខព្រៃវែង3A1656បើកបរដោយបុរសឈ្មោះលីនឡុងអាយុ២៥ឆ្នាំមានទីលំភូមិអណ្តូងតាអង់ឃុំព្រែកក្របៅស្រុកកំពង់ចាម។បណ្តាលឱ្យរបួសមនុស្សចំនួនពីរនាក់ស្ត្រីម្នាក់របួសធ្ងន់និងបុរសម្នាក់របួសស្រាល។
ប្រភពដដែលបានបន្តថាៈការបុករះខូចខាតរថយន្តចំនួនបួនគ្រឿងក្នុងនោះខូចកម្រិតធ្ងន់មួយគ្រឿងនិងម៉ូតូចំនួនបីគ្រឿងខូចកម្រិតធ្ងន់មួយគ្រឿងដែរ។ខូចខាតតូបវេរលុយទ្រូម៉ានីមួយនិងខូចផ្លាកសញ្ញាបង្ហាញឧបសគ្គលើទ្រូងផ្លូវមួយដើម។ភ្លាមៗក្រោយកើតហេតុសមត្ថកិច្ចបាននាំខ្លួនអ្នកបើកបររថយន្តបង្កហេតុធ្វើតេស្តរកសារធាតុញៀន គឺលទ្ធផលអវិជ្ជមាន៕សហការី
