សមត្ថកិច្ចចាប់វៀតណាមម្នាក់ករណីគ្រឿងញៀននិងវត្ថុតាងជាច្រើនកញ្ចប់

ភ្នំពេញ៖កម្លាំងនគរបាលសណ្ដាប់ធ្នាប់ចរាចរណ៍រាជធានីភ្នំពេញបានចាប់ជនសង្ស័យម្នាក់ករណីជួញដូរគ្រឿងញៀននៅផ្លូវជាតិលេខ៥ ក្នុងភូមិផ្សារលិចសង្កាត់ព្រែកព្នៅ ខណ្ឌព្រែកព្នៅកាលពីរំលងអធ្រាត្រចូលថ្ងៃទី១៦ខែកុម្ភៈ ឆ្នាំ២០២១ ។
មន្ត្រីនគរបាលបានឱ្យដឹងថា ជនសង្ស័យឈ្មោះ ង្វៀង យុំាងឌឹក ភេទប្រុស អាយុ៣៨ឆ្នាំ ជនជាតិវៀតណាម ទីលំនៅបច្ចុប្បន្ន ភូមិពោធិ៍មង្គល សង្កាត់ព្រែកព្នៅ ខណ្ឌព្រែកព្នៅ ។សម្ភារចាប់បានម្សៅក្រាមសថ្លាជាគ្រឿងញៀនចំនួន១ថង់ធំនិង៣ថង់តូច, ម៉ូតូម៉ាកស៊ុយហ៊្សុយគីវីវ៉ា ពណ៌ខ្មៅ ពាក់ផ្លាកលេខភ្នំពេញ១BU-៧៥៨៤១គ្រឿង និងទូរស័ព្ទដៃម៉ាកoppo ពណ៌ខ្មៅ១គ្រឿង៕