ត្បូងឃ្មុំ៖គ្រោះថ្នាក់ចរាចរណ៍មួយរវាងរថយន្តនិងម៉ូតូបង្កឡើងពីការបើកបរជែងក្នុងស្ថានភាពគ្រោះថ្នាក់បណ្តាលឱ្យបុរសជាអ្នកបើកបរម៉ូតូម្នាក់ស្លាប់។ហេតុការណ៍នេះបានកើតឡើងនៅលើកំណាត់ផ្លូវជាតិលេខ៧ចន្លោះបង្គោលគីឡូម៉ែត្រ១៥៥និង១៥៦ស្ថិតក្នុងភូមិត្រពាំងគូរឃុំស្រឡប់ស្រុកត្បូងឃ្មុំកាលពីយប់ថ្ងៃទី២១ខែធ្នូឆ្នាំ២០២០។
លោកវរសេនីយ៍គង់សីហុងអធិការរងនគរបាលស្រុកត្បូងឃ្មុំបានឱ្យដឹងថា៖បុរសរងគ្រោះដែលបានស្លាប់នៅនឹងកន្លែងកើតហេតុឈ្មោះអ៊ន់ប៉ូឡូអាយុ៣០ឆ្នាំលំនៅភូមិហៀងលើកោងកាងស្រុកពញាក្រែក។ត្រូវបានក្រុមគ្រួសារទទួលយកសពទៅធ្វើបុណ្យតាមប្រពៃណី។
លោកអធិការរងបានឱ្យដឹងទៀតថាចំណែកអ្នកបើកបររថយន្តម៉ាក់ឡិចស៊ីសពណ៌ខ្មៅ៤៧០លេខភ្នំពេញ 2C-9939បានគេចខ្លួននៅក្រោយ កើតហេតុ។ម៉ូតូរបស់ជនងគ្រោះម៉ាកហុងដាឌ្រីមសេរី 2016 លេខត្បូងឃ្មុំ 1B-1833 គឺវត្ថុតាងទាំងពីរត្រូវបានយកទៅរក្សាចាត់ការតាមនីតិវិធី៕សហការី
