ខេត្តពោធិសាត់៖កាលពីថ្ងៃទី១៧ធ្នូ២០២០មន្ត្រីផលិតកម្មនិងបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តបានចុះពិនិត្យស្ថានភាពជំងឺគោក្របីរបស់ប្រជាពលរដ្ឋកំពុងឈឺក្នុងភូមិត្រាងឃុំមេទឹកស្រុកបាកានខេត្តពោធិ៍សាត់ចំនួន៣០ក្បាលនិង១១ក្បាលទៀតបានងាប់។
មន្ត្រីបសុព្យាបាលនៃមន្ទីរកសិកម្មរុក្ខាប្រមាញ់និងនេសាទខេត្តបានឱ្យដឹងថា៖ដោយស្ថានភាពគោក្របីឈឺនិងងាប់ជាបន្តបន្ទាប់ដូចច្នេះការិយាលយ័ខេត្តពោធិ៍សាត់ចាត់មន្ត្រីជំនាញដឹកនាំដោយលោកផាត់សារុននិងក្រុមការងារចុះដល់មូលដ្ឋានរបស់ប្រជាពលរដ្ឋដើម្បីទប់ស្កាត់កុំឱ្យមានការរីករាលដាលនៃជំងឺគោក្របី។
មន្ត្រីដដែលបានបន្តថា៖ក្រុមការងារបសុព្យាបាលបានចុះអង្កេតនិងសាកសួរផ្ទាល់ពីម្ចាស់គោក្របីចំនួន៥គ្រួសារមានគោក្របីសរុបចំនួន១១៤ក្បាល។ក្នុងនោះគោចំនួន១២ក្បាលនិងក្របីឈឺសរុបចំនួន១៨ក្បាលនិងបានងាប់១១ក្បាលកំពុងព្យាបាលបានធូរស្រាលចំនួន៧ក្បាល។
មន្ត្រីជំនាញបានឱ្យដឹងថា៖ហ្វូងគោក្របីទាំងនោះម្ចាស់យកទៅឃ្វាលនៅផ្នែកខាងក្រោមមាត់បឹងទន្លេសាបកម្រនិងបានចាក់វ៉ាក់សាំងតាមកម្មវិធីយុទ្ធនាការរបស់មន្ទីកសិកម្មណាស់។ក្នុងនោះក្រុមការងារបានផ្សព្វផ្សាយនិងវិធានការទប់ស្កាត់។ដោយស្រោចទឹកចាក់ថ្នាំសម្លាប់មេរោគលើសាកសពក្របីងាប់និងហាមឃាត់មិនឱ្យវះត្រូវឱ្យយកសពគោក្របីដែលងាប់យកទៅកប់ឱ្យបានត្រឹមត្រូវ៕សហការី