ខេត្តព្រះវិហារ៖លោកឧត្តមសេនីយ៍ទោទឹមសារ៉េតនាយករងនាយកដ្ឋានហ្វឹកហ្វឺននិងបណ្តុះបណ្តាលជំនាញនៃអាជ្ញាធរជាតិអាវុធគីមីក្រសួងការពារជាតិបានអញ្ជើញជាអធិបតីនៅក្នុងពិធីផ្សព្វផ្សាយច្បាប់ ស្តីពីការហាមឃាត់ប្រើប្រាស់អាវុធគីមីអាវុធនុយក្លេអ៊ែរអាវុធជីវសាស្ត្រនិងអាវុធវិទ្យុសកម្មនៅទីបញ្ជាការកងពលធំអន្តរាគមន៍លេខ៣ កាលពីព្រឹកថ្ងៃពុធ ទី១៦ ខែធ្នូ ឆ្នាំ២០២០។
លោកឧត្តមសេនីយ៍ទោទឹមសារ៉េតមានប្រសាសន៍ថាៈឯកសារច្បាប់និងបទដ្ឋានច្បាប់ពាក់ព័ន្ធអាជ្ញាធរជាតិ ទប់ស្កាត់អាវុធគីមី នុយក្លេអ៊ែរ ជីវសាស្ត្រ និង វិទ្យុសកម្ម គឺសម្រាប់កងកម្លាំងប្រដាប់អាវុធ ។មន្ត្រីរាជការស៊ីវិលអ្នកឯកទេសជំនាញប្រើប្រាស់ស្វែងយល់ពីច្បាប់ស្តីពីការហាមឃាត់ការប្រើប្រាស់អាវុធគីមី អាវុធនុយក្លេអ៊ែរ អាវុធជីវសាស្ត្រ និងអាវុធវិទ្យុសកម្ម និង បទប្បញ្ញត្តិគតិយុត្តិនានា ពាក់ព័ន្ធអាជ្ញាធរជាតិទប់ស្កាត់អាវុធគីមី នុយក្លេអ៊ែរ ជីវសាស្ត្រ និង វិទ្យុសកម្ម។
លោកឧត្តមសេនីយ៍ទោ ទឹម សារ៉េត បញ្ជាក់ថាឆ្លើយតប ទៅនឹងចំណាប់អារម្មណ៍ដ៏ខ្ពង់ខ្ពស់ របស់ប្រមុខរាជរដ្ឋាភិបាលទើបអគ្គលេខាធិការដ្ឋាននៃអាជ្ញាធរជាតិទប់ស្កាត់អាវុធគីមី នុយក្លេអ៊ែរ ជីវសាស្ត្រ និងវិទ្យុសកម្ម ចងក្រងកម្រងឯកសារច្បាប់នេះឡើង ដើម្បីផ្សព្វផ្សាយឲ្យបានទូលំទូលាយ ទៅកាន់គ្រប់មជ្ឈដ្ឋានជាតិ សម្រាប់សិក្សាស្វែងយល់៕សហការី
