ឧត្តរមានជ័យៈអាជ្ញាធរថៃបានបញ្ជូនពលរដ្ឋខ្មែរម្នាក់មកកម្ពុជាវិញ បន្ទាប់ដោះលែងពីពន្ធនាគារ ពីបទឆ្លងដែនខុសច្បាប់។ការប្រគល់ និងទទួលពលរដ្ឋខ្មែរម្នាក់នោះបានធ្វើឡើងនៅច្រកព្រំដែនអន្តរជាតិ ជាំស្រងាំ ក្នុងទឹកដីស្រុកអន្លង់វែង ខេត្តឧត្តរមានជ័យកាលពីរសៀល ថ្ងៃទី១០ខែតុលាឆ្នាំ២០២០។
មន្ត្រីនគរបាលបានឱ្យដឹងថាៈពលរដ្ឋខ្មែរ ដែលអាជ្ញាធរថៃ បញ្ជូនមកវិញនោះឈ្មោះ អ៊ឹន វណ្ណៈ អាយុ ៤២ឆ្នាំរស់នៅភូមិបប្រាំងសំរោង ឃុំជ្រនាងស្រុកបារាយណ៍ ខេត្តកំពង់ធំ។បុរសម្នាក់នេះ ត្រូវបានអាជ្ញាធរថៃ ចាប់ខ្លួន នៅថ្ងៃទី១ ខែសីហា ឆ្នាំ២០១៩ កន្លងទៅនេះពីបទឆ្លងដែនខុសច្បាប់ចូលកាប់ឈើគ្រញូង ក្នុងទឹកដីថៃ។ ដោយចូលតាមច្រកចាក់ច្រែងហើយត្រូវបានយកទៅដាក់ពន្ធនាគារ នៅខេត្តស៊ីសាកេត ប្រទេសថៃ រហូតដល់ថ្ងៃទី១០ ខែតុលាឆ្នាំ២០២០នេះ ទើបដោះលែងមកវិញ៕សហការី
