ខេត្តព្រះសីហនុ៖ជនសង្ស័យពាក់ព័ន្ធការប្រើប្រាស់និងជួញដូរថ្នាំញៀនម្នាក់ត្រូវបានកម្លាំងជំនាញនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តព្រះសីហនុចាប់ខ្លួនបាន។ជនសង្ស័យត្រូវបានចាប់ខ្លួននៅចំណុចភូមិដូងក្រុម២១ភូមិ១សង្កាត់៤ ក្រុង/ខេត្តព្រះសីហនុខណៈដែល ប្រព្រឹត្តបទល្មើសជាក់ស្តែងកាលពីយប់ថ្ងៃទី២៦ ខែឧសភាឆ្នាំ២០២០។
មន្ត្រីនគរបាលបានប្រាប់ថាជនសង្ស័យឈ្មោះវ៉ាងវុទ្ធីភេទប្រុសអាយុ១៧ឆ្នាំជនជាតិខ្មែរមុខរបរជាងម៉ាស៊ីនត្រជាក់ទីលំនៅបច្ចុប្បន្នអូរ១ក្រុម២១ភូមិ១សង្កាត់៤ក្រុង/ខេត្តព្រះសីហនុ។វត្ថុតាងនិងសម្ភារចាប់យករួមមាន៖ម្សៅក្រាមសថ្លាសង្ស័យជាសារធាតុញៀនចំនួន១១កញ្ចប់(ធំ០១កញ្ចប់តូច១០កញ្ចប់)ទូរស័ព្ទដៃ ចំនួន២គ្រឿង និងសម្ភារពាក់ព័ន្ធមួយចំនួន៕
