ភ្នំពេញ៖មុខសញ្ញាលួចកាច់កញ្ចក់រថយន្តទំនើបៗក្នុងរាជធានីភ្នំពេញ ត្រូវបានសមត្ថកិច្ចចាប់បាន ម្នាក់នៅរសៀលថ្ងៃទី៤ខែធ្នូឆ្នាំ២០២០នេះ។
កម្លាំងនគរបាលព្រហ្មទណ្ឌកំរិតធ្ងន់នៃក្រសួងមហាផ្ទៃសហការជាមួយកម្លាំងនគរបាលខណ្ឌទួលគោកបានឃាត់ខ្លួនមុខសញ្ញាកាច់កញ្ចក់រថយន្តសេរីទំនើបនៅក្នុងរាជធានីភ្នំពេញ ។
មន្ត្រីនគរបាលបានឱ្យដឹងថាៈក្នុងការឃាត់ខ្លួនមុខសញ្ញារូបនេះរកឃើញកញ្ចក់រថយន្តFordRaptorស៊េរីឆ្នាំ២០២១,ម៉ូតូស៊ីរូសមួយគ្រឿងនិងគ្រឿងញៀនមួយកញ្ចប់។មន្ត្រីដដែលបានបន្តថាៈមុខសញ្ញារូបនេះគឺស្ថិតក្នុងក្រុមមានបក្ខពួកជាច្រើននាក់បានធ្វើសកម្មភាពជាច្រើនលើកច្រើនសារទើបកម្លាំងជំនាញតាមស្រាវជ្រាវឈានដល់ការឃាត់ខ្លួនបានម្នាក់។សមត្ថកិច្ចសុំមិនទាន់បញ្ជាក់ប្រាប់ឈ្មោះទេ។
ក្រោយពីចាប់បានកម្លាំងនាយកដ្ឋាននគបាលព្រហ្មទណ្ឌក្រសួងមហាផ្ទៃបានប្រគល់ជននេះឱ្យប៉ុស្តិ៍នគបាលរដ្ឋបាលបឹងកក់ទី១ដើម្បីចាត់ការតាមនីតិវិធី៕