ភ្នំពេញ៖បង្គោលខ្សែភ្លើងមួយដើម បានឆ្លងចរន្តអគ្គិសនី រួចធ្លាក់កម្ចចភ្លើង ត្រូវរថយន្តដែលចតខាងក្រោមបណ្ដាលឱ្យឆេះ តែត្រូវកម្លាំងជំនាញជួយបាញ់ទឹកពន្លត់ទាន់។ហេតុការណ៍នោះបានកើតឡើងនៅ តាមផ្លូវណតប្រ៊ីត ក្នុងសង្កាត់ទឹកថ្លា ខណ្ឌសែនសុខ កាលពីវេលាទៀបភ្លឺថ្ងៃទី២៩ ខែកុម្ភៈ។
អ្នកនៅជិតកន្លែងឆេះបានឱ្យដឹងថា មុនកើតហេតុបង្គោលខ្សែភ្លើង មួយដើមបានឆ្លងចរន្តអគ្គិសនី រួចបង្កទៅជាអណ្តាតភ្លើងឆេះយ៉ាងសន្ធោសន្ធៅ។ ពេលនោះអ្នកនៅក្បែរខាងក៏នាំគ្នាយកបំពង់ពន្លត់អគ្គិភ័យ ដើម្បីជួយបាញ់ពន្លត់ភ្លើង និងរាយការណ៍ទៅរថយន្តពន្លត់អគ្គិភ័យមកជួយអន្តរាគមន៍ជាបន្ទាន់។ភ្លាមៗរថយន្តពន្លត់អគ្គិភ័យ បានចេញមកជួយបាញ់ទឹក ភ្លើងក៏រលត់។បន្ទាប់ពីកើតហេតុបង្កខូចខាតរថយន្តមួយគ្រឿង តែមិនមានគ្រោះថ្នាក់ដល់មនុស្សទេ៕
