មណ្ឌលគិរី៖ស្នាក់ការបណ្តោះអាសន្នសង់អំពីឈើប្រក់ស័ង្កសីរបស់កងកម្លាំងមានសមត្ថកិច្ចខេត្តដើម្បីស្ទាក់បង្ក្រាបបទល្មើសគ្រប់ប្រភេទត្រូវប្រធានក្រុមប្រឹក្សាស្រុកកោះញែកគឺលោកយូចន្ទីបញ្ជាឱ្យមនុស្សមួយក្រុមរុះរើចេញដោយពុំមានការជូនដំណឹងជាមុនឡើយ។
ករណីនេះគឺបានកើតឡើងកាលពីពេលថ្មីៗក្នុងខែវិច្ឆិការឆ្នាំ២០២០នៅចំណុចត្រពាំងត្រាចត្រង់ផ្លូវបំបែកចូលទៅឃុំណងឃីឡឹកចម្ងាយប្រមាណ៨គីឡូម៉ែត្រពីទីរួមស្រុកកោះញែក។
លោកឧត្តមសេនីយ៍ត្រីសូសុវណ្ណអ្នកនាំពាក្យស្នងការដ្ឋាននគរបាលខេត្តមណ្ឌលគិរី បានឱ្យដឹងថា ស្នាក់ការសម្រាប់កម្លាំងនគរបាលស្នាក់នៅដើម្បីបង្ការទប់ស្កាត់បទល្មើសគ្រប់ប្រភេទ។នៅចំណុចត្រពាំងត្រាចត្រង់ផ្លូវបំបែកចូលទៅឃុំណងឃីលឹកចម្ងាយប្រមាណ៨គីឡូម៉ែត្រពីទីរួមស្រុកកោះញែក។
រោងស្នាក់ការនេះត្រូវបានលោកយូរចន្ទីប្រធានក្រុមប្រឹក្សាស្រុកកោះញែកនិងបក្ខពួករុះរើចោលអស់កាលពីប៉ុន្មានថ្ងៃមុននេះ។អ្នកនាំពាក្យដដែលបន្តថាស្នាក់ការនេះសាងសង់ឡើងក្នុងខែកុម្ភៈឆ្នាំ២០២០ដែលមានទំហំ៤,៦ម៉ែត្រគុណ៥,៥ម៉ែត្រធ្វើពីឈើប្រក់សង្ក័សីចំណាយទឹកប្រាក់អស់៥.១០០.០០០រៀលនិង៥០០ដុល្លារ។ក្នុងគោលបំណងសម្រាប់កងកម្លាំងស្នាក់នៅពេលត្រូវការចេញពួនស្ទាក់បង្ការបង្ក្រាបបទល្មើសគ្រប់ប្រភេទនិងសម្រាប់ប្រជាពលរដ្ឋដែលធ្វើដំណើរឆ្លងកាត់ឈប់សម្រាករយ:ពេលខ្លី ។
ថ្នាក់ដឹកនាំព្រមទាំងកងកម្លាំងនៃស្នងការដ្ឋាននគរបាលខេត្តមណ្ឌលគិរីទាំងអស់សូមធ្វើការថ្កោលទោសយ៉ាងម៉ើងម៉ាត់បំផុតចំពោះទង្វើបំផ្លាញទ្រព្យសម្បត្តិសាធារណ:របស់បុគ្គលយូរចន្ទីនិងបក្ខពួកនិងចោទប្តឹងទៅអយ្យការអមសាលាដំបូងខេត្តដើម្បីចាត់ការតាមច្បាប់ ។
ករណីរុះរើស្នាក់ការបណ្ដោះអាសន្នរបស់កងកម្លាំងនេះធ្វើឡើងនៅថ្ងៃទី២២ខែវិច្ឆិកាឆ្នាំ២០២០នេះលោកយូរចន្ទីប្រធានក្រុមប្រឹក្សាស្រុកកោះញែកភ្នាក់ងារសារព័ត៌មានមិនអាចធ្វើការទំនាក់ទំនងបានឡើយតាមប្រព័ន្ធសារអេឡិកត្រូនិច។សារព័ត៌មានរង់ចាំការបកស្រាយបំភ្លឺពីសម៉ីភាគីដើម្បីផ្សាយជូនបន្ត៕សហការី
