ខេត្តកំពង់ឆ្នាំង៖គ្រោះថ្នាក់ចរាចរណ៍មួយដោយមានរថយន្តទំនើបមួយគ្រឿងបើកបុកជាមួយម៉ូតូបណ្តាលឱ្យស្ត្រីម្នាក់ស្លាប់ភ្លាម។ហេតុការណ៍នេះបានកើតឡើនៅលើកំណាត់ផ្លូវចាក់កៅស៊ូមួយកន្លែងក្នុងភូមិទួលក្រឡាញ់សង្កាត់/ក្រុង/ខេត្តកំពង់ឆ្នាំងកាលពីរសៀលថ្ងៃទី២៤ធ្នូឆ្នាំ២០២០ ។
សាក្សីបានឱ្យដឹងថា៖ករណីគ្រោះថ្នាក់ចរាចរណ៍នេះម៉ូតូពាក់ផ្លាកលេខកំពង់ឆ្នាំង1C2379បើកបរដោយឈ្មោះម៉ូសារឹមភេទស្រីអាយុ៥០ឆ្នាំនៅក្នុងភូមិដក់គ្រងឃុំពង្រស្រុករលាប្អៀរខេត្តកំពង់ឆ្នាំង។
ចំណែករថយន្តម៉ាកហ្វតពាក់ផ្លាកលេខភ្នំពេញ2AL8427បើកបរដោយឈ្មោះវីគឹមឡុងភេទប្រុសអាយុ៣២ឆ្នាំនៅភូមិវត្តភ្នំឃុំភ្នំកូស្រុកឧត្តុងខេត្តកំពង់ស្ពឺបានបុកជាមួយម៉ូតូបណ្ដាលឱ្យស្ត្រីបើកបរម៉ូតូស្លាប់អ្នកបើកបររថយន្តត្រូវបានឃាត់ខ្លួន។
ក្រោយពេលកើតហេតុអ្នកបើករនិងរថយន្តត្រូវសមត្ថកិច្ចកសាងសំណុំរឿងចាត់ការបន្តទៅតាមនីតិវិធី៕សហការី
