កំពង់ឆ្នាំង៖យុវជនម្នាក់រងរបួសធ្ងន់សន្លប់ស្តូកស្តឹងនិងម្នាក់ទៀតរងរបួសស្រាលនៅក្នុងឧប្បតិ្តហេតុគ្រោះថ្នាក់ចរាចរណ៍មួយដែលបង្កឡើងដោយរថយន្តកូរ៉េបុកម៉ូតូសណ្តោងរឺម៉កពីក្រោយ។ ហេតុការណ៍នេះបានកើតឡើងនៅចំណុចស្ពានថ្មផ្លូវទៅផ្សារក្រោម ព្រំទល់រវាងសង្កាត់ខ្សាម និង សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំងកាលពីយប់ថ្ងៃទី១ ខែមិថុនា ឆ្នាំ២០២០ ។
សមត្ថិច្ចបានឱ្យដឹងថា ជនរងគ្រោះម្នាក់ឈ្មោះរឿន សុជា ភេទប្រុសអាយុ២៨ឆ្នាំរស់នៅភូមិសំរោង សង្កាត់ផ្សារឆ្នាំង ក្រុងកំពង់ឆ្នាំងរងរបួសធ្ងន់និងម្នាក់ទៀតឈ្មោះមាសចាន់ផលភេទប្រុសអាយុ៣២ឆ្នាំ រស់នៅក្នុងភូមិឃុំជាមួយគ្នា។ក្រោយពេលកើតហេតុជនងគ្រោះត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យបង្អែកខេត្តកំពង់ឆ្នាំង។ចំណែកឯរថយន្តកូរ៉េបានបើករត់គេចបាត់ស្រម៉ោលតែម្តង៕
