ខេត្តកំពង់ស្ពឺ៖គ្រោះថ្នាក់ចរាចរណ៍រវាងរថយន្តបីគ្រឿងបានបើកបុកគ្នាជាបន្តបន្ទាប់បណ្តាលឱ្យមនុស្សបីនាក់រងរបួស។ហេតុការណ៍នេះបានកើតឡើងនៅលើផ្លូវជាតិលេខ៤ចន្លោះគីឡូម៉ែត្រលេខ៣៧,៣៨ត្រង់ចំណុចភូមិអូរក្រាំងអំបិលឃុំត្រពាំងគងស្រុកសំរោងទងខេត្តកំពង់ស្ពឺកាលពីព្រឹកថ្ងៃទី១៨ ខែវិច្ឆិកា ឆ្នាំ២០២០។
សមត្ថកិច្ចបានឱ្យដឹងថា៖គ្រោះថ្នាក់ចរាចរណ៍នេះរថយន្តទី១ម៉ាកLEXUSRX330ពណ៌ទឹកមាសពាក់ផ្លាកលេខភ្នំពេញ2L5668អ្នកបើកបរឈ្មោះLITAOភេទប្រុសជាជនជាតិចិនឆ្នាំនៅផ្ទះលេខ២០៤ ផ្លូវវេងស្រេងភូមិព្រៃទ្រា២សង្កាត់ចោមចៅ៣ខណ្ឌពោធិសែនជ័យ។រថយន្តទៅ២ម៉ាកKIABONGOពណ៌ខៀវពាក់ផ្លាកលេខភ្នំពេញ2T5909បើកបរដោយឈ្មោះធឿនស៊ីថាំងភេទប្រុសអាយុ៣៣ឆ្នាំនៅភូមិអូរសណ្តាន់ឃុំអូរអាចម៍កុកស្រុកក្រគរខេត្តពោធិសាត់។
ប្រភពបន្តថារថយន្តទី៣ម៉ាកហ៊ីយ៉ិនដាយពណ៌សពាក់ផ្លាកលេខកំពង់ស្ពឺ3A0836អ្នកបើកបរឈ្មោះសូលីមភេទប្រុសអាយុ៣៩ឆ្នាំនៅភូមិបឹងត្រាចឃុំចំការលួងស្រុកកំពង់សិលាខេត្តព្រះសីហនុ។បើកបរពីកើតទៅលិចក្នុងល្បឿនលឿនបានទៅបុករថយន្តkIABONGOបណ្តាលឱ្យក្រឡាប់ផ្ងារជើងនិងមនុស្សបីនាក់រងរបួស៕សហការី
