ភ្នំពេញ៖កម្លាំងនគរបាលប៉ុស្តិ៍រដ្ឋបាលសង្កាត់មិត្តភាពបានឃាត់ខ្លួនជនសង្ស័យ២នាក់ក្រោយពីធ្វើសកម្មភាពលួចផ្លាកលេខរថយន្ត។ការឃាត់ខ្លួនជនសង្ស័យបានធ្វើឡើងនៅចំណុចរបងវត្តថ្វាយបង្គំផ្លូវលេខ១២៤ សង្កាត់មនោរម្យ ខណ្ឌ៧មករាកាលពីតសៀលថ្ងៃទី១៦ ខែវិច្ឆិកា ឆ្នាំ២០២០។
មន្ត្រីសមត្ថកិច្ចបានឱ្យដឹងថាៈជនសង្ស័យដែលឃាត់ខ្លួនទាំង២នាក់ឈ្មោះ លី សុបញ្ញា ភេទប្រុស អាយុ៣២ឆ្នាំនៅផ្ទះជួលផ្លូវលេខ១០៧សង្កាត់មនោរម្យខណ្ឌ៧មករា។ពិនិត្យទឹកនោមមានសារធាតុញៀននិងម្នាក់ទៀត ឈ្មោះ អ៊ុក សាវី ភេទ ប្រុស អាយុ៣៩ឆ្នាំមុខរបរជាងភ្លើងនៅផ្ទះលេខ៣Eo ផ្លូវបេតុង សង្កាត់ចោមចៅ ខណ្ឌពោធិ៍សែនជ័យពិនិត្យទឹកនោមមានសារធាតុញៀន។
ក្រោយឃាត់ខ្លួនសមត្ថកិច្ចដកហូតវត្ថុតាងពីជនសង្ស័យរួមមានផ្លាកលេខរថយន្តចំនួន២បន្ទះ គឺបន្ទះទី១ មានលេខភ្នំពេញ2BD3398និងបន្ទះទី២លេខភ្នំពេញ2BA8753,ទួណឺវិស១,ដែកក្បាលទួណឺវិស៤,ម៉ូតូ១គ្រឿងម៉ាកហុងដាឌ្រីមសេ១២៥ពាក់ផ្លាកលេខក្រចេះ1A3633ជាមធ្យោបាយសម្រាប់ជនសង្ស័យជិះធ្វើសកម្មភាព ។
សមត្ថកិច្ចបានឱ្យដឹងថា ជនរងគ្រោះមានគ្នា២នាក់ ទី១,ឈ្មោះ KOWE FEZEU អាយុ៣៩ឆ្នាំ ជនបរទេស មុខរបរ លក់ដូរ ស្នាក់នៅសង្កាត់មិត្តភាព ខណ្ឌ៧មករា កាន់លិខិតឆ្លងដែនលេខ 0660388 ។ទី២,ឈ្មោះអ៊ឹងស៊ីតាយភេទប្រុសអាយុ៣៨ឆ្នាំនៅសង្កាត់មិត្តភាពខណ្ឌ៧មករា។ចំពោះផ្លាកលេខចាប់យកពីជនសង្ស័យចំនួន២បន្ទះ សមត្ថកិច្ចបានប្រគល់ជូនជនរងគ្រោះវិញ។
បច្ចុប្បន្នជនសង្ស័យទាំ២នាក់ត្រូវបានឃាត់ខ្លួននៅអធិការរដ្ឋាននគរបាល ខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី៕សហការី
