ព្រះវិហារ៖កម្លាំងកងរាជអាវុធហត្ថស្រុកជាំក្សាន្តបានឃាត់ខ្លួនជនសង្ស័យម្នាក់ពីបទលួចលាក់ទុក,ប្រើប្រាស់និងចែកចាយបន្តនូវសារធាតុញៀន។ការឃាត់ខ្លួនជនសង្ស័យនេះបានធ្វើឡើងនៅក្នុងភូមិស្រអែមខាងត្បូងឃុំកន្ទួតស្រុកជាំក្សាន្តខេត្តព្រះវិហារកាលពីរសៀលថ្ងៃទី១៦ខែវិច្ឆិកាឆ្នាំ២០២០។
លោកអនុសេនីយ៍ឯកជុនបូរ៉ាមេបញ្ជាការរងទទួលបន្ទុកការងារព្រហ្មទណ្ឌបានឱ្យដឹងនៅព្រឹកថ្ងៃទី១៧ វិច្ឆិកានេះថា៖ក្រោយទទួលបានបទបញ្ជាពីលោកឧត្តមសេនីយ៍ត្រីកងសៅគុណមេបញ្ជាការកងរាជអាវុហត្តខេត្តក្រោមការដឹកនាំបញ្ជាផ្ទាល់ដោយលោកវរសេនីយ៍ត្រីពេជ្រសុភីមេបញ្ជាការស្នាក់ការមូលដ្ឋានកងរាជអាវុធហត្ថស្រុកជាំក្សាន្តបានប្រើប្រាស់នូវរថយន្តពីគ្រឿង កម្លាំងសរុបចំនួន៧នាក់។
លោកមេបញ្ជាការរងបន្តថាៈកម្លាំងបានចុះឃាត់ខ្លួនបុរសជាជនសង្ស័យម្នាក់ ដែលមានឈ្មោះ យ៉ែម និមិត្តអាយុ២៩ឆ្នាំនៅភូមិស្រអែមខាងជើងឃុំស្រអែមស្រុកជាំក្សាន្តខេត្តព្រះវិហារ។កម្លាំងបានរកឃើញវត្ថុតាងមួយរួមមាន៖១,ថ្នាំញៀនប្រភេទម៉ាទឹកកកពណ៌សថ្លាចំនួន២កញ្ចប់មានទម្ងន់២,៨៥ក្រាម,។២,ម៉ូតូ១គ្រឿងម៉ាកC១២៥សេរីឆ្នាំ២០១២ពណ៌ខ្មៅពាក់ផ្លាកលេខក្រចេះ១D.៨៦.៩៩និងសម្ភារចំនួន។
លោកបានបន្តថា៖បច្ចុប្បន្នជនសង្ស័យនិងវត្ថុតាងត្រូវកម្លាំងជំនាញកងរាជអាវុធហត្ថស្រុកជាំក្សាន្តរៀបចំចងក្រងឯកសារបញ្ជូនបន្តទៅកងរាជអាវុធហត្ថខេត្តព្រះវិហារដើម្បីចាត់ការតាមនីតិវិធីច្បាប់៕សហការី