សៀមរាប៖បុរសបរទេសម្នាក់បានដេកស្លាប់ក្នុងផ្ទះសំណាក់យីហោណាហ្ការយៈពីរថ្ងៃកន្លងទៅហើយទើបមានការភ្ញាក់ផ្អើលកាលពីយប់ថ្ងៃទី១០ខែវិច្ឆិកាឆ្នាំ២០២០។
សមត្ថកិច្ចបានឱ្យដឹងថាៈបន្ទាប់ពីបានទទួលព័ត៌មានពីបុគ្គលិកផ្ទះសំណាក់ណាហ្គាថាៈមានជនបរទេសស្លាប់ ភ្លាមនោះសមត្ថកិច្ចបានចុះដល់កន្លែងកើតហេតុ និងពិនិត្យឃើញថាជនរងគ្រោះឈ្មោះNEWTON IANJAMEភេទប្រុសកើតថ្ងៃទី២៨ខែសីហាឆ្នាំ១៩៦៣ជនជាតិអង់គ្លេសកាន់លិខិតឆ្លងដែនលេខ៥៤៩៩២៦២៨៣ជាភ្ញៀវទេសចរណ៍ស្នាក់នៅផ្ទះសំណាក់ណាហ្គាស្ថិតនៅភូមិតាភុលសង្កាត់ស្វាយដង្គំក្រុងសៀមរាប។
ប្រភពបន្តថា តាមការ ស្រាវជ្រាវរបស់ សមត្ថកិច្ចជំនាញ និងកោសលវិច្ច័យរបស់លោកវេជ្ជបណ្ឌិត អ៊ិត ឆបឆរត្ន័ គ្រូពេទ្យអមតុលាការបានសនិដ្ឋានថា ជនរង គ្រោះស្លាប់ រយៈពេលពីរថ្ងៃមកហើយ ដោយសារ ជំងឺគាំងបេះដូង។សាកសពបានរៀបចំបញ្ជូនទៅតម្កល់ទុកបណ្តោះអាសន្ននៅវត្តទឹកថ្លារាជធានីភ្នំពេញនាព្រឹកថ្ងៃទី១១ខែវិច្ឆិកាឆ្នាំ២០២០ដើម្បីរង់ចាំការសម្រេចពីក្រុមគ្រួសារនិងស្ថានទូត៕សហការី
