ភ្នំពេញ៖រថយន្តដឹកដីបានបើកបុកនិងកិនបុរសម្នាក់បណ្តាលឱ្យបែកក្បាលស្លាប់ហើយរថយន្តបើកគេចបាត់។ហេតុការណ៍បានកើតឡើងនៅតាមបណ្តោយមហាវីថីឈ្នះឈ្នះក្នុងភូមិកប់ស្រូវតូចសង្កាត់គោករការខណ្ឌព្រែកព្នៅកាលពីរសៀលថ្ងៃទី១១ខែវិឆ្ឆិកាឆ្នាំ២០២០។
មន្ត្រីសមត្ថកិច្ចបានឱ្យដឹងថាៈជនរងគ្រោះដែលរថយន្តកិនស្លាប់តាមអត្តសញ្ញាណប័ណ្ណបញ្ជាក់ថាៈជនរងគ្រោះឈ្មោះហេងវិបុលអាយុ២៨ឆ្នាំមានអាស័យដ្ឋាននៅភូមិវាល់ស្បូវឃុំអំពិលទឹកស្រុកកំពង់ត្រឡាចខេត្តកំពង់ឆ្នាំង។ជិះម៉ូតូម៉ាកហុងដាសេ១២៥ពាក់ផ្លាកលេខភ្នំពេញ១GA.២៧៥៤។
មន្ត្រីដដែលបានបន្តថាៈបុរសរងគ្រោះត្រូវរថយន្តដឹកដីបុកនិងកិនចំក្បាលដែលមានពាក់មួកសុវត្ថិភាពបណ្តាលឱ្យបែកក្បាលស្លាប់ខណៈកំពុងជិះម៉ូតូ។សពត្រូវបាននគរបាលបញ្ជូនទៅតម្កល់នៅឈាបនដ្ឋានវត្តកប់ស្រូវរង់ចាំបងប្អូននាំយកទៅធ្វើបុណ្យ។ចំណែកម៉ូតូត្រូវបាននគរបាលរក្សាទុកប្រគល់ឱ្យក្រុមគ្រួសារ៕សហការី
