ខេត្តព្រះវិហារ៖មន្ត្រីការពារអ្នកប្រើប្រាស់ កិច្ចការប្រកួតប្រជែង និងបង្ក្រាកការក្លែងបន្លំ បានឱ្យដឹងថា កាលពីថ្ងៃទី២០ខែធ្នូឆ្នាំ២០២០មន្ត្រីសាខាក.ប.ប.ខេត្តព្រះវិហារដោយមានកិច្ចសហការចូលរួមជាមួយពីមន្ត្រីមន្ទីរពាណិជ្ជកម្មខេត្តនិងអាជ្ញាធរដែនដី។ជំនាញបានបន្តចុះត្រួតពិនិត្យនិងផ្សព្វផ្សាយអំពីគុណភាពសុវត្ថិភាពម្ហូបអាហារវេចខ្ចប់ស្រាប់នៅតាមផ្ទះលក់ទំនិញនានាងឃុំពោធិ៍ស្រុកត្បែងមានជ័យខេត្តព្រះវិហារ។
មន្ត្រីដដែលបានបន្តថាៈជាលទ្ធផលមន្ត្រីជំនាញបានរកឃើញអំបិលមានសារធាតុអ៊ីយ៉ូតតាមស្ដង់ដាដែលបានកំណត់។តែបានរកឃើញការដាក់តាំងលក់ទំនិញខូចគុណភាពនិងហួសកាលបរិច្ឆទប្រើមួយចំនួន។ទំនិញនោះ រួមមាន៖-មីខគោ៤៤កញ្ចប់ ស្មើនឹង២.៨គីឡូក្រាម,ភេសជ្ជ:ប៉ូវកម្លាំង ៦កំប៉ុង ស្មើនឹង ១.៥លីត្រ។ទឹកស៊ីរ៉ូ ៦ដបស្មើនឹង៤.៥០លីត្រ,ទឹកដោះគោកញ្ចប់៣០កញ្ចប់ស្មើនឹង៣.៧៥លីត្រ,មីកំប៉ុង ៦៥កំប៉ុង ស្មើនឹង ៣.៩០គីឡូក្រាមសរុបទំនិញដកហូតបានចំនួន ៦.៧គីឡូក្រាម និង ៩.៧៥លីត្រ។
បន្ទាប់មកមន្ត្រីជំនាញបានធ្វើកំណត់ហេតុដកហូតទំនិញទាំងនោះយកមកកម្ទេចចោលតាមនីតិវិធីនាពេលក្រោយ។ ទន្ទឹមនឹងនោះមន្ត្រីជំនាញក៏បានធ្វើការណែនាំដល់អាជីវករផ្សេងទៀត ឱ្យយល់ដឹង និងអនុវត្តទៅតាមច្បាប់ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា៕សហការី
