ខេត្តកំពង់ឆ្នាំង:គ្រោះថ្នាក់ចរាចរណ៍រវាងរថយន្តបុកជាមួយម៉ូតូបណ្តាលឱ្យមានអ្នកស្លាប់ម្នាក់និងរងរបួសធ្ងន់ម្នាក់។ករណីនេះបានកើតឡើងនៅលើកំណាត់ផ្លូវជាតិលេខ៥ក្នុងភូមិថ្មីឃុំជ្រៃបាក់ស្រុករលាប្អៀរខេត្តកំពង់ឆ្នាំងកាលពីថ្ងៃទី១០ខែវិច្ឆិកាឆ្នាំរ២០២០។
សមត្ថកិច្ចបានឱ្យដឹងថាករណីគ្រោះថ្នាក់ចរាចរណ៍នេះបង្កឡើងដោយរថយន្តម៉ាកហ្ស៊ុយហ្សូ ពណ៌ស ពាក់ផ្លាកលេខ ភ្នំពេញ3E. 2985 រ៉ឺម៉កលេខភ្នំពេញ4A. 4765 របស់ក្រុមហ៊ុន( DN )បើកបរដោយជនមិនស្គាល់អត្តសញ្ញាណ។លុះបើកបរមកដល់ចំណុចកើតហេតុបានរបុកជាមួយម៉ូតូម៉ាកExcitevពណ៌ក្រហមខ្មៅពាក់ផ្លាកលេខកណ្ដាល1K.0895ក្នុងដំណើរច្រាស់ទិសគ្នាបណ្ដាលឱ្យបុរសម្នាក់ស្លាប់ឈ្មោះឃៀងសំបូរភេទប្រុសអាយុ២៩ឆ្នាំ។អ្នករួមដំណើរឈ្មោះឆុងទួនភេទប្រុសអាយុ១៨ឆ្នាំរងរបួសអ្នកទាំងពីររស់នៅភូមិទួលខ្សាច់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។
ក្រោយកើតហេតុអ្នកបើកបររថយន្តចុះរត់គេចខ្លួនបាត់ទុកតែរថយន្តចោលនៅកន្លែងកើតហេតុ។សមត្ថកិច្ចបានប្រមូលវត្ថុតាងយកមករក្សាទុកនៅអធិការដ្ឋាននគរបាលស្រុករលាប្អៀរដើម្បីចាត់ការបន្តតាមផ្លូវច្បាប់៕សហការី