ភ្នំពេញ៖ថ្ងៃទី៩ខែវិច្ឆិកា២០២០ក្រុមគ្រូពេទ្យបានយកសំណាករបស់សម្ដេចតេជោហ៊ុនសែននាយករដ្ឋមន្ត្រីនៃកម្ពុជានិងសម្ដេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនរួមទាំងអ្នកនៅជាមួយអ្នកនៅជាប់សម្ដេចទាំងអស់ទៅធ្វើតេស្តជាលើកទី២។លទ្ធផលគឺអវិជ្ជមានទាំងអស់ គឺជាលទ្ធផលល្អសម្រាប់ដំណាក់ កាលទី២ក្នុងចំណោម៤ដំណាក់កាល។
សម្ដេចត្រូវធ្វើចត្តាឡីស័កបន្តទៀតនិងរង់ចាំការធ្វើតេស្តជាលើកទី៣នៅថ្ងៃទី១៤វិច្ឆិកានិងលើកទី៤នៅថ្ងៃទី១៨វិច្ឆិកា។«នេះបើយោងតាមផេកផ្លូវការរបស់សម្ដេចតេជោបានpostនៅរសៀលថ្ងៃទី៩វិច្ឆិកាឆ្នាំ២០២០»សម្ដេចតេជោ៖ខ្ញុំកំពុងរង់ចាំលទ្ធផលនៃការធ្វើតេស្តបងប្អូនជិត៩០០នាក់ផ្សេងទៀតដែលបានប៉ះពាល់ដោយផ្ទាល់ឬដោយប្រយោលពីព្រឹត្តិការណ៍ដែលខ្ញុំសូមដាក់ឈ្មោះថា”ព្រឹត្តិការណ៍៣វិច្ឆិកា”។
ព្រឹត្តិការណ៍”៣វិច្ឆិកា”នឹងត្រូវបិទបញ្ចប់នៅក្រោយពេលដែលមនុស្សប្រមាណ៩០០នាក់ដឹងថាវិជ្ជមានឬ អវិជ្ជមានដែលត្រូវការពេលប្រមាណ៣សប្តាហ៍ទៀត។ដើម្បីកម្រិតកុំឱ្យមនុស្សកើនឡើងតម្រូវឱ្យអ្នកដែលបាននិងកំពុងធ្វើចត្តាឡីស័កកុំចេញទៅជួបជាមួយមនុស្សផ្សេងទៀត។ប្រសិនជួបជាមួយអ្នកណាត្រូវយកអ្នកនោះមកធ្វើតេស្តនិងធ្វើចត្តាឡីស័កថែមទៀតដែលនឹងធ្វើឱ្យកាន់តែលំបាកប្រើពេលកាន់តែយូរមនុស្សកាន់តែច្រើន។
“ដើម្បីបញ្ចៀសករណីដូចដែលខ្ញុំលើកឡើងខាងលើ ខ្ញុំសុំចេញបទបញ្ជាឱ្យក្រសួងសុខាភិបាល អាជ្ញាធររាជធានីភ្នំពេញ និងខេត្តកណ្តាលពិនិត្យតាមដានគ្រប់មនុស្សដែលបាននិងកំពុងធ្វើចត្តាឡីស័ក ប្រសិនពួកគាត់អនុវត្តមិនបានត្រឹមត្រូវក្នុងការធ្វើចត្តាឡីស័កតាមផ្ទះទេសូមអញ្ជើញពួកគាត់ទៅធ្វើចត្តាឡីស័កតាមទីកន្លែងដែលរៀបចំដោយក្រសួងសុខាភិបាលដោយមានការយាមកាមពីកម្លាំងនគរបាលឬកងរាជអាវុធហត្ថឱ្យបានហ្មត់ចត់”។
នេះគឺជាគន្លឹះក្នុងការឈានទៅបញ្ចប់ព្រឹត្តិការណ៍៣វិច្ឆិកាឱ្យបានឆាប់តាមរយៈកុំឱ្យកើនចំនួនមនុស្សពាក់ព័ន្ធដែលនាំដល់អូសពេលវេលាកាន់តែវែង។សូមកុំឱ្យកម្ទេចភ្លើងក្លាយជាអគ្គិភ័យតាមរយៈការធ្វេសប្រហែសរបស់យើងសូមជួយពន្លត់ភ្លើងនិងសុំកុំអង្គុយបក់ផ្សែង។ព្រឹត្តិការណ៍៣វិច្ឆិកានឹងបញ្ចប់ក្នុងខែវិច្ឆកានេះដែលមិនត្រូវពន្យាពេលសូមជូនពរបងប្អូនជនរួមជាតិឃ្លាតឆ្ងាយពីកូវីដ១៩៕សហការី
