សៀមរាប:គ្រោះថ្នាក់ចរាចរណ៍មួយដោយរថយន្តសាំយ៉ុងបើកបុកជាមួយម៉ូតូបណ្តាលឱ្យនារីម្នាក់បានស្លាប់ឯរថយន្តបង្កបានបើករត់គេចខ្លួនបាត់។ហេតុការណ៍នេះបានកើតឡើងលើកំណាត់ផ្លូវជាតិលេខ៦ក្នុងភូមិស្វាយជ័យឃុំត្រពាំងធំស្រុកបាសាទបាគង ខេត្តសៀមរាបកាលពីរសៀលថ្ងៃទី១៣ខែតុលាឆ្នាំ២០២០។
មន្ត្រីនគរបាលស្រុកប្រាសាទបាគង បានឱ្យដឹងថាៈករណីគ្រោះថ្នាក់ចរាចណ៍នេះបង្កឡើងដោយរថយន្តម៉ាកសាំយ៉ុងមិនស្គាល់អត្តសញ្ញាណនិងស្លាកលេខបានរត់គេចបាត់។ចំណែក ម៉ូតូម៉ាកហុងដាដ្រីម សេរីឆ្នាំ ២០២០ មានស្លាកលេខ សៀមរាប ១AH ១១១៣ ពណ៌ខ្មៅ ដែលបើកបរក្នុងទិសដៅបញ្ច្រាសគ្នា។
មន្ត្រីដដែលបានបន្តថាៈជនរងគ្រោះមានឈ្មោះ ហ៊ុន ឆាយ ភេទស្រីអាយុ ២៩ឆ្នាំ មានទីលំនៅភូមិជីគៀក ឃុំកៀនសង្កែ ស្រុកសូទ្រនិគម ខេត្តសៀមរាប។ចំណែករថយន្តបង្កត្រូវសមត្ថកិច្ចកំពុងស្រាវជ្រាវរកអត្តសញ្ញាណដើម្បីយកមកផ្តន្ទាទោសតាមផ្លូវច្បាប់៕សហការី
