ព្រះវិហារ៖កាលពីព្រឹកថ្ងៃទី២៩ខែកក្កដាឆ្នាំ២០២០នៅមន្ទីរកសិកម្មរុក្ខាប្រមាញ់និងនេសាទខេត្តព្រះវិហារមានរៀបចំពិធីចុះហត្ថលេខាជួលសេវាកម្មពីខាងក្រៅក្នុងឆ្នាំ ២០២០(ContractingoutService2020)“ការផ្សារភ្ជាប់នៃការកែច្នៃស្រូវអង្ករទៅនឹងទីផ្សារ”របស់កម្មវិធីផ្សព្វ
ផ្សាយបច្ចេកទេសថ្មីដែលមានភាពធននឹងការប្រែប្រួលអាកាសធាតុ(ASPIRE)។ជាមួយអង្គការអ្នកក្សេត្រសាស្ត្រនិងពេទ្យសត្វគ្មានព្រំដែន (AVSF) និងសហភាពសហគមន៍កសិកម្មព្រះវិហារមានជ័យ (PMUAC)។
លោកពឹងទ្រីដាប្រធានមន្ទីរកសិកម្មរុក្ខាប្រមាញ់និងនេសាទខេត្តព្រះវិហារបានឱ្យដឹងថា៖កសិករក្នុងខេត្តព្រះវិហារចំនួន៥០០គ្រួសារទទួលបានការគាំទ្រសម្រាប់លើកកម្ពស់នូវការកែច្នៃស្រូវអង្ករដោយឆ្ពោះទៅកាន់ទីផ្សារ។ក្នុងពិធីនេះមានការចូលរួមពីថ្នាក់ដឹកនាំមន្ទីរ ទីប្រឹក្សា ASPIRE តំណាងអង្កការ AVSFនិងPMUACផងដែរ។
លោកពឹងទ្រីដាបានបន្តថាៈគោលបំណងរបស់សេវាកម្មគឺដើម្បីធ្វើឱ្យប្រសើរឡើងនូវបណ្តុំអាជីវកម្មកសិករក្នុងការអនុវត្តសកម្មភាពនានាដល់កសិករគោលដៅចំនួន៥០០គ្រួសារសម្រាប់លើកកម្ពស់នូវការកែច្នៃស្រូវអង្ករដោយឆ្ពោះទៅកាន់ទីផ្សារ របស់បណ្តុំសហគមន៍ កសិកម្មចំនួន១៣ក្នុងស្រុកចំនួន ៦របស់ខេត្តព្រះវិហារ ។
ដោយប្រើប្រាស់ថវិកាសរុបរួមចំនួន៧២.៣៩០USDក្នុងនោះបានមកពីប្រភពចំនួន៣រួមគ្នាមាន៖១,ការចូលរួមពីអង្កការ AVSF ចំនួន ១.២៧៥០USD ។២,ការចូលរួមពី PMUAC ចំនួន១.៨៩០USD និង៣,មន្ទីរកសិកម្ម/ASPIRE ចំនួន ៥៧.៧៥០USD ៕