ភ្នំពេញ៖កម្លាំងនគរបាលខណ្ឌទួលគោក បានឃាត់ខ្លួនជនសង្ស័យម្នាក់ ពាក់ព័ន្ធករណីលួចទូរសព្ទ ហើយត្រៀមបញ្ជូនទៅតុលាការដើម្បីចាត់ការតាមច្បាប់។
ករណីនេះបានកើតឡើងនៅភូមិ១០ សង្កាត់បឹងសាឡាង ខណ្ឌទួលគោក កាលពីល្ងាចថ្ងៃទី២ ខែមេសា ។មន្ត្រីនគរបាលប៉ុស្តិ៍បានឱ្យដឹងថា ជនសង្ស័យឈ្មោះ ជ្រី ទីហាប់ អាយុ៣៣ឆ្នាំ ស្នាក់នៅសង្កាត់បឹងសាឡាង ខណ្ឌទួលគោក។ពេលចាប់ខ្លួនសមត្ថកិច្ចដកហូត ទូរសព្ទ១គ្រឿងម៉ាក OPPO របស់ជនសង្ស័យនិងកាបូបស្ពាយ១។
ក្នុងកាបូបនោះមានទូរសព្ទ១គ្រឿងម៉ាក I phone X របស់ជនរងគ្រោះ ហើយបានប្រគល់ឱ្យម្ចាស់វិញ។បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌទួលគោក ដើម្បីកសាងសំណុំរឿងត្រៀមបញ្ជូនទៅតុលាការ៕
