ពោធិសាត់៖ស្ថានីយផលិតថាមពលដោយពន្លឺព្រះអាទិត្យកម្លាំង ៣០ មេហ្កាវ៉ាត់ថ្មីមួយនៅស្រុកក្រគរខេត្តពោធិ៍សាត់ត្រូវបានដាក់ឱ្យដំណើរការដោយភ្ជាប់ជាមួយបណ្តាញជាតិពីឃុំស្នាអន្សាទៅឃុំស្វាយសស្រុកនេះដែលជាទីតាំងអនុស្ថានីយតង់ស្យុងខ្ពស់២៣០គីឡូវ៉ុលថ្មី។
នេះបើយោងអាជ្ញាធរមានសមត្ថកិច្ចពីស្រុកក្រគរបានឱ្យដឹងកាលពីថ្ងៃទី២៣ខែកញ្ញាឆ្នាំ២០២០ ។
ប្រភពដដែលបានឱ្យដឹងបន្តថា៖នេះវាជាអនុភាពថ្មីក្នុងចំនួនសរុប២០០មេហ្កាវ៉ាត់នៃថាមពលស្អាតដែលត្រូវតភ្ជាប់ជាមួយបណ្តាញជាតិមុនដាច់ឆ្នាំ២០២២។ នៅពេលនោះថាមពលពីពន្លឺព្រះអាទិត្យសរុប នឹងកើនដល់យ៉ាងតិច ៤៥០ មេហ្កាវ៉ាត់។
សូមបញ្ជាក់ថា នៅស្រុកនេះ មានស្ថានីយផលិតថាមពលដោយពន្លឺព្រះអាទិត្យ ចំនួន២កន្លែង ។ ឯនៅខេត្តបន្ទាយមានជ័យមាន១កន្លែងនិងនៅខេត្តឧត្តរមានជ័យមាន១កន្លែងដែរ ៕