ព្រះវិហារ៖លោកប្រាក់សុវណ្ណអភិបាលខេត្តកាលពីព្រឹកថ្ងៃទី២៣ខែកញ្ញាឆ្នាំ២០២០បានអញ្ជើញជាអធិបតីក្នុងពិធីចាប់ឆ្នោតប្រគល់ដីឡូតិ៍ កសិកម្ម ជូនប្រជាពលរដ្ឋចំនួន ៣១៨ គ្រួសារ ។នៅក្នុងភូមិធម្មជាតិ ឃុំស្រអែម ស្រុកជាំក្សាន្ត ដោយមានការចូលរួមពី អភិបាលរងខេត្ត មេបញ្ជាការកងអង្គរក្ស មេបញ្ជាការកងពលតាមព្រំដែន មេបញ្ជាការកងកម្លាំងទាំងបីក្នុងខេត្ត មន្ត្រីមន្ទីរចំណុះខេត្តព្រះវិហារ និងប្រជាពលរដ្ឋជាច្រើនរូប ។
មានប្រសាសន៍ក្នុងឱកាសនោះអភិបាលខេត្តថ្លែងការកោតសសើរនិងវាយតម្លៃខ្ពស់ចំពោះការខិតខំប្រឹងប្រែង និងការយកចិត្តទុកដាក់ខ្ពស់របស់ក្រុមការងារក្នុងការរៀបចំកិច្ចដំណើរការនៃការអនុវត្ត កម្មវិធីសម្បទានដីសង្គមកិច្ចរបស់រាជ-រដ្ឋាភិបាលទៅតាមជំហានការងារនីមួយៗរហូតកម្មវិធីចាប់ឆ្នោតប្រគល់ដីឡូតិ៍នាពេលនេះ។គិតមកទល់ពេលនេះយើងសម្រេចនូវការចាប់ឆ្នោតដីឡូតិ៍កសិកម្មសរុប១.០៤៥ ឡូតិ៍ ដែលក្នុងមួយគ្រួសារ ទទួលបានដីទំហំ២ហិកតា ។
អភិបាលខេត្តបានបន្តថា ឡូតិ៍កសិកម្មដែលបានប្រគល់ជូនប្រជាពលរដ្ឋថ្ងៃនេះ គឺជាអំណោយដ៏ថ្លៃថ្លារបស់រាជរដ្ឋា-ភិបាលកម្ពុជាដែលមាន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈអនុក្រឹត្យលេខ ០២ អនក្រ.បក ចុះថ្ងៃទី ០៦ ខែ មករា ឆ្នាំ២០១៦ ស្តីពីការកំណត់តំបន់សហគមន៍ស្ថិតក្នុងតំបន់ដែនជម្រកសត្វព្រៃគូលែន-ព្រហ្មទេព មានផ្ទៃដីចំនួន ៥ ពាន់ហិកតា។
ស្ថិតក្នុងភូមិសាស្ត្រ ឃុំយាង និងឃុំកន្ទួត ស្រុកជាំក្សាន្ត ខេត្តព្រះវិហារ សម្រាប់បម្រើឱ្យការអភិវឌ្ឍសេដ្ឋកិច្ចនិងសង្គមកិច្ចទាំងនេះស្តែងចញយ៉ាងច្បាស់ពីការយកចិត្តទុក្ខដាក់របស់សម្តេចតេជោ លើសុខទុក្ខរបស់ប្រជាពលរដ្ឋជាពិសេសនៅតាមបណ្តោយព្រំដែន៕
