អន្តរជាតិ៖នៅព្រឹកថ្ងៃចន្ទទី៨ខែមិថុនាឆ្នាំ២០២០នេះworldometersបានឱ្យដឹងថាចំនួនករណីឆ្លងកូវីដ១៩នៅទូទាំងសហរដ្ឋអាមេរិកបានកើនឡើងដល់២លាននាក់ហើយ។ក្នុងនោះនៅតែបន្តឈរលេខ១ដដែលនៅលើពិភពលោកក្នុងនាមជាប្រទេសមានករណីឆ្លងនិងស្លាប់ច្រើនជាងគេបំផុត។
គិតត្រឹមម៉ោង ៩៖៤៥នាទីព្រឹកថ្ងៃចន្ទនេះ ករណីឆ្លងកូវីដ១៩សរុបទូទាំងសហរដ្ឋអាមេរិកកើនដល់ ២.០០៧.៤៤៩ករណី។ក្នុងនោះអ្នកស្លាប់មាន១១២.៤៦៩នាក់និងជាសះស្បើយឡើងវិញ៧៦១.៧០៨នាក់ ខណៈមនុស្សសរុប ២១.២លាននាក់បានទទួលការធ្វើតេស្ដរក កូវីដ១៩។
ទន្ទឹមគ្នានេះក្រុមអ្នកជំនាញក៏បានព្រមានផងដែរថាស្ថានការណ៍ឆ្លងរាតត្បាតនៃកូវីដ១៩នៅក្នុងសហរដ្ឋអាមេរិកអាចនឹងផ្ទុះឡើងខ្លាំងជាថ្មីម្ដងទៀត។ស្របពេលបាតុកម្មតវ៉ាប្រឆាំងការរើសអើងពូជសាសន៍ និងទាមទារយុត្តិធម៌ឱ្យបុរសស្បែកខ្មៅចចហ្វ្លយដ៍(GeorgeFloyd)នៅតែបន្តធ្វើឡើងដដែល ខណៈបណ្តារដ្ឋជាច្រើនបានដកវិធានការរឹតត្បិត៕
