បាត់ដំបង៖ នៅព្រឹកថ្ងៃ សុក្រ១១កេីតខែកត្តិកឆ្នាំខាលចត្វាស័កព.ស.២៥៦៦ត្រូវនឹងថ្ងៃទី៤ខែ វិច្ឆិកាឆ្នាំ២០២២ នៅសាលប្រជុំក្នុងបរិវេណស្នងការដ្ឋាននគរបាលខេត្តបា់ដំបង លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដឹកនាំកិច្ចប្រជុំផ្សព្វផ្សាយផែនការពង្រឹងវិធាន ការការពារ សន្តិសុខសណ្តាប់ធ្នាប់សាធារណៈនិងសុវត្ថិភាពបម្រេីឱ្យកិច្ចប្រជុំកំពូលអាស៊ាននិងកិច្ចប្រជុំពាក់ព័ន្ធឆ្នាំ២០២២។
អញ្ជេីញចូលរួមក្នុងកិច្ចប្រជុំនេះមានលោក លោកស្រីស្នងការរង លោកអនុប្រធានផែន លោកនាយការិយាល័យជំនាញ មេបញ្ជាការវរសេនាតូចនគរបាលការពារព្រំដែនគោក អធិការនគរបាលក្រុង ស្រុកនិងមន្រ្តីនគរបាលក្នុងអង្គភាពពាក់ព័ន្ធជា
ច្រេីនទៀត។
បន្ទាប់ពីលោកវរសេនីយ៍ឯក អូន ហ្វៃ ស្នងការរងផែនការងារសេនាធិការអាននូវផែនការការពាររួចមក លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបងបានអញ្ជេីញមានមតិណែនាំនិងដាក់វិធានការបន្ថែមដល់ថ្នាក់ដឹកនាំអង្គភាពដែលមានភារកិច្ចពាក់ព័ន្ធក្នុងកិច្ចការពារនេះ លោកស្នងការបានស្នេីឱ្យមន្រ្តីនគរបាលត្រូវប្រតិបត្តិទប់ស្កាត់និងស្រាវជ្រាវបង្រ្កាបឱ្យបាននូវរាល់សកម្មភាពបទល្មេីស ករណីចោរកម្ម លួច ឆក់ ប្លន់ និងសកម្មភាពល្មេីសច្បាប់ផ្សេងៗទៀតដូចជាករណីនេសាទខុសច្បាប់ ករណីនាំមនុស្សឆ្លងដែនខុសច្បាប់ និងការលួចលាក់នាំចូលឬនាំចេញនូវទំនិញឬសម្ភារៈខុសច្បាប់នានានៅតាមខ្សែបន្ទាត់ព្រំដែនកម្ពុជា-ថៃរួមទាំងករណីគ្រឿងញៀនខុសច្បាប់ជាដេីម។
ក្រៅពីនេះការងារចរាចរណ៍ផ្លូវគោកក៏កត់សម្គាល់ឃេីញកេីតមានជាបន្តបន្ទាប់នៅចំណុចទីតាំងនៃក្រុង ស្រុកមួយចំនួន ដែលសមត្ថកិច្ចត្រូវបន្តយកចិត្តទុកដាក់ ហេីយគ្រប់ពេលចេញធ្វេីសកម្មភាពនៅតាមដងផ្លូវសាធារណៈឬតាមមូលដ្ឋាន មន្រ្តីនគរបាលត្រូវប្រកាន់ខ្ជាប់នូវឥរិយាបទ សុភាពរាបសា ត្រូវទន់ភ្លន់ទាំងការស្លៀកពាក់ឯកសណ្ឋានទាំងពាក្យសំដីទំនាក់ទំនង តែត្រូវហ្មឹងហ្មាត់លេីការងារចៀសវាងឱ្យបាននូវបាតុភាពអសកម្មណាមួយឬកំហុសឆ្គងណាមួយដែលស្តែងចេញនូវរូបភាពនាំបង្កឱ្យប៉ះពាល់ដល់សតិអារម្មណ៍មហាជនក៏ដូចប៉ះពាល់ដល់កិត្តិយសកងសេចក្តីថ្លៃថ្នូររបស់កម្លាំងនគរបាលជាតិទាំងមូល ហេីយចំពោះមន្ត្រីនគរបាលរូបណាឬអង្គភាពណាដែលអនុវត្តផ្ទុយពីគោលការណ៍ណែនាំនេះនឹងទទួលខុសត្រូវចំពោះវិន័យកងកម្លាំងនគរបាលជាតិ៕