ភ្នំពេញ៖សមត្ថកិច្ចជំនាញនគរបាលខណ្ឌមានជ័យ បានតាមដានស្រាវជ្រាវយ៉ាងយកចិត្តទុកដាក់ករណីប្រទូស្តកេរ្តិ៍ខ្មាសលើក្មេងស្រីអាយុ៧ឆ្នាំនេះរួចមកកាលពីរសៀលថ្ងៃ៨ ខែកញ្ញា ឆ្នាំ២០២០សមត្ថកិច្ច បានអនុវត្តតាមដីកាតុលាការដោយបាននាំខ្លួនឈ្មោះ អេង សំអាត ជាមន្ត្រីនគរបាលនៃនាយកដ្ឋានភស្តុភា ក្រសួងមហាផ្ទៃ ពីបទចោទប្រកាន់ “ប្រទូស្តកេរ្តិ៍ខ្មាស” ក្មេងស្រីអាយុ៧ឆ្នាំ បញ្ជូនទៅតុលាការដើម្បីអនុវត្តតាមនីតិវិធីច្បាប់ ។
សមត្ថកិច្ច នៅតែអះអាងថា ក្នុងនាមជាមន្ត្រីអនុវត្តច្បាប់ មិនដែលព្រងើយកន្តើយ ឬលាក់បាំងអ្វីឡើយ។ជាក់ស្តែងសមត្ថកិច្ចមិនអាចអនុវត្តការងារណាដោយមិនមានភាពច្បាស់លាស់ឡើយ ហើយសមត្ថកិច្ចក៏មិនទុកករណីល្មើសណាមួយចោលដែរ ។
ដើម្បីឱ្យមានភាពច្បាស់លាស់មុននឹងអនុវត្តការងារ អ្វី មួយ គឺសមត្ថកិច្ចត្រូវតែធ្វើការតាមជំនាញ ជាពិសេសត្រូវធ្វើការស្រាវជ្រាវឱ្យបានច្បាស់លាស់ជាមុនសិន ចៀសវាងការអនុវត្តខុស ឬចាប់មនុស្សខុស ៕
