ព្រះវិហារ៖កាលពីព្រឹកថ្ងៃទី២៦ខែសីហាឆ្នាំ២០២០លោករដ្ឋមន្ត្រីក្រសួងធម្មការនិងសាសនាបានអញ្ជើញចុះសំណេះសំណាលជាមួយមន្ត្រីមន្ទីរធម្មការនិងសាសនាខេត្តព្រះវិហារ។រូមមានលោកប្រាក់ សុវណ្ណ អភិបាលខេត្ត,លោកឡុង សុវណ្ណ ប្រធានក្រុមប្រឹក្សាខេត្តព្រះវិហារបាន អញ្ជើញជាអធិបតីភាពក្នុងពិធីសំណេះសំណាលនិងសួរសុខទុក្ខជាមួយមន្ត្រីបម្រើការងារនៅមន្ទីរធម្មការ និងសាសនា ខេត្តព្រះវិហារ។
ក្រោមអធិបតីភាពលោកឈិតសុខុនដ្ឋមន្ត្រីក្រសួងធម្មការនិងសាសនាដោយមានការចូលរួមពីលោករដ្ឋលេខាធិការ,អនុរដ្ឋលេខាធិការ,អគ្គនាយកនិងប្រតិភូក្រសួង, អភិបាលរងខេត្ត, លោកនាយករដ្ឋបាល ព្រះមេគុណទាំងពីរគណៈប្រធានអនុប្រធាននិងមន្ត្រីនៃមន្ទីរធម្មការនិងសាសនាខេត្តព្រះវិហារជាច្រើនរូប។
មានប្រសាសន៍ស្វាគមន៍នាឱកាសនោះលោកអភិបាលខេត្តថ្លែងអំណរគុណដល់វត្តមានដ៏ខ្ពង់ខ្ពស់របស់លោករដ្ឋមន្ត្រីដែលបានឆ្លៀតពេលវេលាដ៏មានតម្លៃអញ្ជើញសំណេះសំណាលជាមួយមន្ត្រីនៃមន្ទីរធម្មការនិងសាសនានាពេលនេះ។ក្នុងគោលបំណងពង្រឹងប្រសិទ្ធភាពការងារនិងបង្កើនភាពស្និទ្ធស្នាលប្រកបដោយស្មារតីទទួលខុសត្រូវខ្ពស់។
ទាំងនេះគឺជាព្រឹត្តិការណ៍ដ៏មានសារៈសំខាន់សម្រាប់ថ្នាក់ដឹកនាំ និង មន្ត្រីរាជការ ក្នុងខេត្ត ឲ្យទទួលបាននូវភាពស្និទ្ធស្នាល និងចំណេះដឹងថ្មីៗ បន្ថែមទៀត ជាពិសេសបានបញ្ជ្រាបបន្ថែម នូវវិធីបង្កានិងទប់ស្កាត់ជំងឺកូវីដ១៩ដែលកំពុងរីករាលដាលនៅទូទាំងប្រទេសនិងពិភពលោកទាំងមូល។
មានប្រសាសន៍ផ្តាំផ្ញើរក្នុងពេលនោះ លោក ឈិត សុខុន រដ្ឋមន្ត្រីក្រសួងធម្មការ និងសាសនា បានថ្លែងការកោតសសើរចំពោះការ ខិតខំប្រឹងប្រែងអភិវឌ្ឍរបស់ខេត្តមានការរីកចម្រើនជាលំដាប់ ក្រោមដំបូល នៃសុខសន្តិភាព និងគោលនយោបាយដឹកនាំ ដ៏ត្រឹមត្រូវ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ។ដោយឡែកវិស័យសាសនាក៏មានការរីកចម្រើន សុខដុមនីយជាមួយគ្នាផងដែរ ជាក់ស្តែងវិស័យព្រះពុទ្ធសាសនាដែលជាសាសនារបស់រដ្ឋត្រូវបានយកចិត្តទុកដាក់យ៉ាងខ្លាំងតាមរយៈការកសាងព្រះវិហារ វត្តអារាមនៅគ្រប់ទីកន្លែងនៅទូទាំងប្រទេស។
សូមបញ្ជាក់ថា នៅទូទាំងខេត្តព្រះវិហារមានសាសនាដែលកំពុងប្រតិបត្តិមានចំនួន២គឺព្រះពុទ្ធសាសនា មានវត្តចំនួន១១៥វត្ត និងព្រះសង្ឃចំនួន៨០៣អង្គ អាចារ្យចំនួន៣២២នាក់ និងយាយជីតាជីចំនួន៤២៨នាក់ ។អ៊ិស្លាមសាសនា មានវិហារថ្វាយបង្គំចំនួន៨កន្លែងនិងមានបរិស័ទចំនួន១.៥២៤នាក់ ។ គ្រិស្ទសាសនា មានស្នាក់ការថ្វាយបង្គំចំនួន៣៥កន្លែង មានព្រឹទ្ធចារ្យឬគ្រូគង្វាលចំនួន៣៥នាក់ និងបរិស័ទចំនួន១.៧៥៥នាក់៕
