កំពង់ចាម៖ឯកឧត្ដម អ៊ុន ចាន់ដា អភិបាលខេត្តកំពង់ចាម និងលោកជំទាវ ញូង ចរិយា អ៊ុន ចាន់ដា ប្រធានសមាគមនារីកម្ពុជា ដើម្បីសន្តិភាព និងអភិវឌ្ឍខេត្ត, ឯកឧត្ដម ខ្លូត ផន ប្រធានក្រុមប្រឹក្សាខេត្ត អញ្ជើញចូលរួមជាគណៈអធិបតីក្នុងពិធី ខួបអនុស្សាវរីយ៍ លើកទី១១១ ទិវាអន្តរជាតិនារី ៨មីនា ឆ្នាំ២០២២ ។កម្មវិធីនេះប្រារព្ធធ្វើឡើងនៅសាលសន្និសីទ សាលាខេត្តកំពង់ចាមនៅព្រឹកថ្ងៃទី៤ ខែមីនា ឆ្នាំ ២០២២ ។
ពិធីដ៏មានអត្ថន័យនេះ ក៏មានការអញ្ជើញចូលរួមពី លោកជំទាវអ្នកតំណាងរាស្ត្រ, ឯកឧត្តមលោកជំទាវ សមាជិកក្រុមប្រឹក្សាខេត្ត, ឯកឧត្តមលោកជំទាវ អភិបាលរងអភិបាលខេត្ត, ឯកឧត្តមប្រធានតុលាការដំបូងខេត្ត, លោក លោកស្រី កងកម្លាំងទាំងបី, លោក លោកស្រី សមាជិកាកិត្តិយសនិងប្រតិបត្តិនៃសាខាសមាគមនារីកម្ពុជាដើម្បីសន្តិភាពនិងការអភិវឌ្ឍខេត្ត ស្រុក ក្រុង ,ថ្នាក់ដឹកនាំមន្ទីរអង្គភាពជុំវិញខេត្ត, មន្ត្រីក្របខណ្ឌសាលាខេត្ត ,អភិបាលរងក្រុង/ស្រុក គណៈកម្មការពិគ្រោះយោបល់កិច្ចការនារីខេត្ត, មន្ត្រីក្រមខណ្ឌពន្ធនាគារខេត្ត រួមនឹងមន្ត្រីពាក់ព័ន្ធមួយចំនួន៕
