ព្រះវិហារ៖មេខ្យល់ពីនាក់ប្ដីប្រពន្ធកំពុងតែងតាំងខ្លួនជាអធិរាជកេណ្ឌប្រជាពលរដ្ឋរាប់សឹបនាក់ដើម្បីចូលរុករានទន្ទ្រានកាន់កាប់ដីព្រៃរបស់រដ្ឋដោយខុសច្បាប់ជាច្រើនហិកតាស្ថិតក្នុងចំណុចជាំធំឧបសម្ព័ន្ធភូមិម្រេចឃុំស្រយ៉ង់ស្រុកគូលែនខេត្តព្រះវិហារ។ប្តីប្រពន្ធនេះត្រូវបានគេស្គាល់អត្តសញ្ញាណយ៉ាងច្បាស់ដោយប្ដីមានឈ្មោះតិតឹកប្រពន្ធឈ្មោះជៀវវាសនាសព្វថ្ងៃរស់ក្នុងភូមិត្រាវជូរ ឃុំ ស្រយ៉ង់ស្រុកគូលែនខេត្តព្រះវិហារ។
ប្រភពព័ត៌មានបានឱ្យដឹងថាពីរនាក់ប្តីប្រពន្ធខាងលើបានដើរកៀងគរប្រជាពលរដ្ឋពីក្រៅតំបន់ផ្សេងៗដើម្បីឱ្យមកកាប់ឆ្ការរុករានទន្ទ្រានយកដីរបស់រដ្ឋដោយខុសច្បាប់ដោយនាក់ទាំងពីរនេះជាអ្នក់ចាត់ចែងក្លែងបន្លំលិខិតកាន់កាប់ដីធ្លីដោយខ្លួនឯងមិនមានអាជ្ញាធរណាហ៊ានលូកដៃនោះទេ។បច្ចុប្បន្ននេះមានប្រជាពលរដ្ឋក្រៅតំបន់ទៅរស់នៅចំនួនខ្នងផ្ទះ២៧៤គ្រួសារដែលពុំមានលិខិតអនុញ្ញាតពីអាជ្ញាធរឬក៍លិខិតអនុញ្ញាត្តពីក្រសួងមហាផ្ទៃនៅឡើយនោះទេ។
ប្រជាពលរដ្ឋសំណូមពរដល់អាជ្ញាធរដែនដីជួយរកយុត្តិធម៌ឲ្យគាត់ផង នៅពេលថ្មីៗនេះ២នាក់ប្ដីប្រពន្ធបានយកដីដែលពួកគាត់អាស្រ័យផលយកទៅឲ្យអ្នកផ្សេងវិញ។
លោកប៉ាងយៀតអភិបាលស្រុកធ្លាប់បានបញ្ជាក់ប្រាប់អ្នកសារព័ត៌មានយ៉ាងច្បាស់ថាចំពោះប្រជាពលរដ្ឋដែលរស់នៅទីតាំងដីរដ្ឋមិនទាន់មានច្បាប់បង្កើតភូមិនៅឡើយនោះទេបានត្រឹមតែមកប្រាប់អាជ្ញាធរដោយផ្ទាល់មាត់ប៉ុណ្ណោះអាជ្ញាធរក៏មិនបានចេញលិខិតអនុញ្ញាត្តដែរ។ប៉ុន្តែក្រុមមេខ្យល់ពីរនាក់ប្តីប្រពន្ធនិងបក្ខពួកមួយចំនួនទៀតនៅតែបន្តធ្វើសម្មភាពចាត់ចែងដីរបស់រដ្ឋតាមទំនើងចិត្តរបស់ខ្លួនដោយមិនគោរពច្បាប់ទាល់តែសោះ។
ប្រភពបានបន្តថាចំណុចទី១មេខ្យល់នោះមានសិទ្ធិពេលពលរដ្ឋណាមិននៅជាប់លាប់គឺមានសិទ្ធិដកហូតដីនោះមកវិញហើយបែងចែងទៅអ្នកផ្សេងទៀត។ចំណុចទី២បើតាមការសន្និដ្ឋានក្រុមមេខ្យល់នេះមិនបានស្តាប់ការណែនាំរបស់អាជ្ញធរមូលដ្ឋាននោះទេដោយពួកគេធ្វើតាមអំពើចិត្តវាមិនខុសអីពីការបង្កើតតំបន់អបគមន៍នោះឡើយ។ដែលបង្កឱ្យលំបាកអាជ្ញាធរមូលដ្ឋានក្នុងការគ្រប់គ្រងប្រជាពលរដ្ឋក៏ដូចជាសមត្ថកិច្ចគ្រប់គ្រងសន្តិសុខសង្គមផងដែរ។
លោកពឹងទ្រីដាប្រធានមន្ទីកសិកម្មរុក្ខាប្រមាញ់និងនេសាទខេត្តបានបញ្ជាក់ថាលោកកំពុងចាត់ឱ្យមន្រី្តជំនាញរដ្ឋបាលព្រៃឈើសង្កាត់,ផ្នែក,ចុះទៅសិក្សានិងរកមេខ្យល់ថាមានការលក់ដូរដីនៅតំបន់នោះមែនដែរឬទេ?តែបើរឿងនោះវាចឹងមែនលោកនិងចាត់វិធានការតាមផ្លូវច្បាប់។ចំពោះករណីនេះអ្នកសារព័ត៌មានមិនទាន់បានទទួលការបំភ្លឺពីសាម៉ីខ្លួនពីរនាក់ប្តីប្រពន្ធដែលជាប់ចោទជាមេខ្យល់នៅឡើយទេ។សារព័ត៌មានយើងរង់ចាំទទួលការបញ្ជាក់លើករណីនេះដើម្បីផ្សាយជូននៅពេលក្រោយ៕
