ព្រៃវែង៖រថយន្តដឹកទឹកកកមួយគ្រឿងបើកវ៉ាជែងជ្រុលធ្លាក់ចូលស្រះក្រឡាប់ផ្អើលទាំងព្រលឹមតែគ្មានអ្នករងរបួស។ហេតុការណ៍នេះកើតឡើងស្ថិតនៅចំណុចកំណាត់ផ្លូវលេខ៣១២ស្ថិតនៅក្នុងភូមិសំរោងឃុំល្វាស្រុកព្រះស្ដេចខេត្តព្រៃវែងកាលពីព្រឹកថ្ងៃទី៨ខែសីហាឆ្នាំ២០២០។
ប្រភពពីពលរដ្ឋបានឱ្យដឹងថា៖នៅវេលាកើតហេតុមានរថយន្តរថយន្តម៉ាកហ៊ីយ៉ានដាយពណ៌សរស្លាកលេខព្រៃវែង3A1248ដឹកទឹកកកដើម។រថយន្តបើកក្នុងល្បឿនលឿនលុះដល់ចំណុចកើតហេតុរថយន្តបានប្រឹងបើកវ៉ាជែងជាមួយរថយន្តធុនធំដឹកស្រូវមួយគ្រឿងទៀតដែលកំពុងធ្វើដំណើរស្របទិសគ្នាបណ្តាលឱ្យជ្រុលចង្កូតធ្លាក់ផ្លូវចូលស្រះក្រឡាប់ខ្ចាយទឹកកកចូលស្រះរលាយអស់។តែមិនមានមនុស្សរគ្រោះថ្នាក់ដល់អាយុជីវិតនោះទេ៕