កំពង់ស្ពឺ៖រថយន្ដឡិចស៊ីស៤៧០កំពុងបើកបានរេចង្កូតបុកចូលរោងលាងម៉ូតូមួយកន្លែងបង្កឱ្យខូចខាតធ្ងន់ធ្ងរនៅភូមិពាណិជ្ជកម្ម សង្កាត់រការធំ ក្រុងច្បារមន ខេត្តកំពង់ស្ពឺកាលពីយប់ទី២៨ ខែធ្នូ ឆ្នាំ២០២១។
សមត្ថកិច្ចបានឱ្យដឹងថា រថយន្ដម៉ាកឡិចស៊ីស៤៧០ផ្លាកលេខភ្នំពេញ 2AU-0323 អ្នកបើកបរឈ្មោះ ចាន់ អេរិច ភេទប្រុស អាយុ៣៦ឆ្នាំ រស់នៅភូមិពង្រ សង្កាត់កណ្ដោលដុំ ក្រុងច្បារមន ខេត្តកំពង់ស្ពឺ។រថយន្តបានរេចង្កូតមកខាងស្ដាំចូលទៅបុករោងលាងម៉ូតូដែលម្ចាស់ឈ្មោះគង់ ឆៃយ៉ា ភេទប្រុស អាយុ៥៥ឆ្នាំ រស់នៅក្នុងខេត្តកំពង់ស្ពឺ។
ហេតុការណ៍នេះបណ្តាលឱ្យខូចខាតសម្ភាររោងលាងម៉ូតូ១-ខូចទ្វាររមូ១ខ្ទេចទាំងស្រុង-ខូចរថយន្ដ១គ្រឿង-និងខូចសម្ភារមួយចំនួនទៀត ។ក្រោយមកផ្នែកជំនាញចរាចរណ៍បានចុះពិនិត្យ ហើយយករថយន្ដបង្កនិងអ្នកបើកបរទៅសាកសួរនៅការិយាល័យចរាចរណ៍ផ្លូវគោក៕
