ប៉ៃលិន៖រថយន្តទំនើបមួយគ្រឿងបើកបុកគល់ស្ពានពេញទំហឹងបណ្តាលឱ្យក្រឡាប់ឆេះខ្ទេចអស់គ្មានអស់រីឯអ្នកបើកបររងរបួសធ្ងន់។
សមត្ថកិច្ចបានឱ្យដឹងថា នៅម៉ោងជាង១០យប់ថ្ងៃទី១ ខែធ្នូឆ្នាំ២០២១មានគ្រោះថ្នាក់ចរាចណ៍មួយបានកើតឡើងនៅភូមិអូរបេង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។អ្នកបើករថយន្តឈ្មោះកើត សុភាអាយុ ៣០ ឆ្នាំនៅភូមិអូរតាពុកលើ សង្កាត់ប៉ៃលិន ក្រុងប៉ៃលិន។រថយន្តបង្កគ្រោះថ្នាក់ដោយខ្លួនឯងម៉ាក់នីសាន់ណាវ៉ារ៉ាផ្លាកលេខប៉ៃលិន ២A-៣៣៣៤ ខូចខាតទាំងស្រុង ។
រីឯម្ចាស់រថយន្តរងរបួសធ្ងន់ ត្រូវបានដឹកបញ្ជូនទៅកាន់មន្ទីរពេទ្យ។ក្នុងហេតុការណ៍នេះ កម្លាំងនគរបាលពន្លត់អគ្គិភ័យខេត្តប៉ៃលិន បានចេញរថយន្តចំនួន២ គ្រឿងប្រើប្រាស់ទឹកអស់ចំនួន១គ្រឿង៕
