ភ្នំពេញ៖រថយន្តទំនើបអាចមកពីការធ្វេសប្រហែសបានបុកបង្គោលភ្លើងបាក់មួយដើម ឯរថយន្តខូចធ្ងន់ធ្ងរនិងអ្នកបើកបររងរបួសធ្ងន់។ហេតុការណ៍នេះ បានកើតឡើងនៅលើមហាវិថីឈ្នះឈ្នះ ក្នុងសង្កាត់បាក់ខែង ខណ្ឌជ្រោយចង្វារ កាលពីព្រឹកថ្ងៃទី៣ ខែតុលា ឆ្នាំ២០២១ ។
សមត្ថកិច្ចបានឱ្យដឹងថា រថយន្តបង្កម៉ាកនីសាន់ពាក់ផ្លាកលេខ ភ្នំពេញ 2BI-0234 បុរសអ្នកបើកបរមិនប្រាប់ឈ្មោះរងរបួសធ្ងន់។មុនពេលកើតហេតុរថយន្តខាងលើ បានបើកតាមផ្លូវ មហាវិថីឈ្នះឈ្នះក្នុងទិសដៅពីកើតទៅលិច។លុះមកដល់ចំណុចកើតហេតុ ក៏រេចង្កូតទៅបុកបង្គោលភ្លើង បណ្តាលឱ្យរថយន្តខ្ទេចមួយកំណាត់មុខ។
ក្រោយពីកើតហេតុតៃកុងរថយន្ត ត្រូវបានដឹកទៅសង្គ្រោះនៅមន្ទីរពេទ្យ រីឯរថយន្តសមត្ថកិច្ចជំនាញខណ្ឌយកទៅរក្សាទុករង់ចាំម្ចាស់ចូលខ្លួនដោះស្រាយ៕
