បើករថយន្តធ្លាក់ផ្លូវ ក្រឡាប់បណ្ដាលឱ្យរបួសធ្ងន់

ភ្នំពេញ៖រថយន្តម៉ាកឡិចស៊ីសបានបើកយ៉ាងលឿននិងបុករះបង្គោលរបងបាក់ជាច្រើនដើមហើយរថយន្តនេះជ្រុលធ្លាក់អូរក្រឡាប់ច្រើនត្រឡប់បណ្តាលឱ្យអ្នកបើកបររងរបួសធ្ងន់។
គ្រោះថ្នាក់ចរាចរណ៍នេះបានកើតឡើងនៅតាមបណ្ដោយផ្លូវថៃហ្គឺរខាងត្បូងស្ថានីយ៍ទូរទស្សន៍ហង្សមាស ក្នុងសង្កាត់ ព្រែកឯង ខណ្ឌច្បារអំពៅកាលពីរំលងអធ្រាត្រចូលថ្ងៃទី២៧ខែសីហាឆ្នាំ២០២១។រថយន្តខាងលើម៉ាកឡិចស៊ីស RX៣៣០ ពាក់ផ្លាកលេខ ភ្នំពេញ ២AP ៧១០១ បើកតាមបណ្តោយផ្លូវថៃហ្គឺរ ។
មកដល់កន្លែងកើតហេតុផ្លូវមានស្ថានភាពកោងបណ្ដាលឱ្យរថយន្តរេចង្កូតមកខាងឆ្វេងដៃ បុករះបង្គោលរបងបាក់អស់ជាច្រើនដើមហើយក៏ធ្លាក់ផ្លូវតែម្តង។ក្រោយកើតហេតុម្ចាស់បានហៅរថយន្តស្ទូចមកស្ទូចយករថយន្តជួបគ្រោះថ្នាក់នេះទៅ យានដ្ឋានដើម្បីជួលជុល៕