ភ្នំពេញ៖បុរសជនជាតិចិនម្នាក់ស្រវឹងស្រា បើករថយន្តតូយ៉ូតាព្រូសក្នុងល្បឿនលឿន ទៅបុកក្បាលថ្ម ចែកផ្លូវពេញទំហឹងរថយន្តខូចខ្ទេចផ្នែកខាងមុខយ៉ាងដំណំ។
ហេតុការណ៍នេះបានកើតឡើងនៅត្រង់ស្តុបក្តាន់ពីរ តាមបណ្ដោយផ្លូវសហព័ន្ធរុស្ស៊ី ក្នុងសង្កាត់ស្រះចក ខណ្ឌដូនពេញកាលពីរំលងអធ្រាត្រចូលថ្ងៃទី២២ ខែកក្កដា ឆ្នាំ២០២១ ។មុនកើតហេតុគេឃើញបុរសចិនម្នាក់ស្រវឹងស្រាខ្លាំង បើករថយន្តយ៉ាងលឿនមកដល់កន្លែង កើតហេតុ បានរេចង្កូត ទៅបុកក្បាលថ្មចែកផ្លូវតែម្តង។
ក្រោយកើតហេតុ សមត្ថកិច្ច បានចុះ មកវាស់វែងយករថយន្តបង្កទៅរក្សាទុក នៅការិយាល័យចរាចរណ៍ផ្លូវគោក រាជធានីភ្នំពេញ រង់ចាំដោះស្រាយតាមច្បាប់ ៕
